Renju Unit
Wara BREXIT il-Maltin li jgħixu fir-Renju Unit iridu japplikkaw għal dokument ġdid ta’ residenza

Meta r-Renju Unit joħroġ mill-Unjoni Ewropea, ċittadini tal-Unjoni Ewropea, fosthom il-Maltin, li ilhom jgħixu fir-Renju Unit għal tal-inqas ħames snin se jkunu intitolati għal dokument ġdid ta’ residenza msejjaħ settled status. Kwazi erba’ miljun ċittadin ewropew fir-Renju Unit mistennija japplika għal dan l-istatus.

Fir-Renju Unit jgħixu mal-81,000 Malti u Maltija fosthom madwar 50,000 ta’ dixxendenza Maltija. Bħall-bqija taċ-ċittadini tal-Unjoni Ewropea li jgħixu, jaħdmu jew jistudjaw fir-Renju Unit, il-Maltin u l-qraba tagħhom jistgħu jibgħqu għaddejjin b’ħajjithom hemmhekk wara BREXIT. Iżda jekk m’għandhomx passaport jew ċittadianza Ingliża jeħtieġ japplikkaw għal dokument ġdid ta’ residenza – li qed jissejjaħ Settled Status jew Pre Settled Status.

Iċ-ċittadini Ewropej li ilhom jgħixu fir-Renju Unit għal tal-inqas ħames snin kontinwi se jkunu intitolati għas-Settled Status. Il-Pre Settled Status japplika għal min jkun ilu joqgħod fir-Renju Unit għal inqas minn ħames snin.

Il-Gvern Malti qed iħeġġeġ lill-Maltin tal-Ingilterra biex japplikaw għal dan id-dokument ġdid ta’ residenza. Il-Ministru għall-Affarijiet Barranin Carmelo Abela spjega li l-iskema ta’ Settles Status mistennija tiftaħ għall-ħabta ta’ Novembru.

Il-Ministru għall-Affarijiet Barranin u Promozzjoni tal-Kummerċ, Carmelo Abela qal “għadhom ma ħarġux id-dettalji propja. Li hu żgur li sal-aħħar ta’ Marzu tas-sena d-dieħla jiġifieri mhux se jispiċċaw u jkollhom jitilqu imma jkun hemm perjodu ta’ transazzjoni li huwa perjodu anke ta’ sentejn fejn wieħed ikun jista’ f’dak il-perjodu jirranġa l-istatus tiegħu jew tagħha jekk ikun meħtieġ.”

L-applikazzjonijiet għal dan l-istatus ġdid ser jintlaqgħu sal-aħħar ta’ Ġunju 2021. B’dan l-istatus ċittadini Ewropej fir-Renju Unit mhu se jitilfu xejn mill-benefiċċji li jgawdu bħalissa.

“Il-ħsieb huwa li iva jibqgħu jgawdu, jiġifieri jekk persuna qed taħdem hemmhekk ġaladarba tkun ssettiljat l-istatus tagħha permezz tal-proċedura li tiġi stabbilita, il-ħsieb huwa li dawn jibqgħu jgawdu d-drittijiet tagħhom li qed igawdu llum” qal il-Ministru Abela.

Il-Gvern Malti qed iħeġġeġ lill-Maltin biex jaħsbu għal dan id-dokument billi jirreġistraw mas-sit tal-Home Office tar-Renju Unit bil-għan li jkunu aġġornati dwar l-aħħar żviluppi f’ dan ir-rigward.

Aħbarijiet Oħra
Xogħol

L-iskema ta’ xogħol fil-komunità li bdiet fl-2016 kienet taħt il-lenti tal-Awditur Ġenerali li f’rapport li ippreżenta lill-Ispeaker ta ċertifikat pjuttost tajjeb lill-iskema għalkemm iħeġġeġ lill-entitajiet governattivi involuti biex itejjbu l-moniteraġġ…

Ambjent

Malta, flimkien ma’ 8 pajjiżi oħra tal-Unjoni Ewropea u żewġ stati assoċjati, se tkun qed tnaddaf il-bajjiet tagħha f’dak li dak jissejjaħ bħala l-Blue Mediterranean Clean-Up Week. Fl-ewwel ġimgħa ta’…

Blockchain

Erba’ xhur wara li Malta saret l-ewwel pajjiż fid-dinja li użat is-sistema tal-blockchain fil-ħruġ taċ-ċertifikati għall-istudenti, it-teknoloġija tal-blockchain se tibda tintuża għal kuntratti tal-kirjiet, meta fil-jiem li ġejjin se tkun…

Qorti

Il-Pulizija ressqet il-Qorti żagħżugħ u xlietu li bejn Frar u Mejju wettaq ħames serqiet ta’ flus u ġojjelli minn residenzi fl-Imsida u San Pawl il-Baħar. Aliosha Emnadze, Ġorġjan ta’ 24…

Aktar