“Wara l-Kunsill Ġenerali, kull persuna tibqa’ mistiedna taħdem fil-PN” – Adrian Delia

Il-Kap tal-Partit Nazzjonalista Adrian Delia qal li wara l-Kunsill Ġenerali tas-Sibt li ġej, kull persuna tibqa’ mistiedna taħdem fil-Partit, imma wissa li hemm ‘il quddiem, kull min jagħmel il-ħsara mhux se jkollu iżjed postu fil-Partit Nazzjonalista. Qal li jinsab kuraġġjuż li l-Partit Nazzjonalista se jgħaddi minn din il-battalja interna u joħroġ iżjed b’saħħtu.

Intervistat fuq Net FM, il-Kap tal-Partit Nazzjonalista Adrian Delia qal li l-kunsill ġenerali tas-Sibt li ġej, il-kunsilliera se jiddibattu u jaraw kif se jissaħħaħ il-Partit Nazzjonalista. Sostna li wara l-Kunsill Ġenerali kull persuna tibqa’ mistiedna taħdem fil-Partit, imma minn jagħmel il-ħsara mhux se jkollu iżjed postu fil-Partit Nazzjonalista. Dr Delia ħeġġeġ lill-kunsilliera jkunu attivi u jistaqsu jekk iridux li l-Partit Nazzjonalista jkunx f’idejhom jew imur lura għand il-ftit li qal kienu jikkontrollaw il-Partit.

Il-Kap Nazzjonalista qal li f’sentejn ltaqa’ ma’ iżjed minn 4,000 persuna li ma ħallsitx it-tessera u żar iżjed minn 1,800 ħanut. Stqarr li ilu minn Jannar jiltaqa’ mal-kunsilliera li qal ħafna minnhom jiġu bl-uġigħat tagħhom u jistaqsu għaliex il-Partit Nazzjonalista qed jgħaddi minn dan kollu. Qal li jemmen li l-Partit Nazzjonalista se jgħaddi minn din il-battalja interna, jgħaddi minn ġon-nar u joħroġ iżjed b’saħħtu.

Dwar ir-riforma politika fil-partit, Dr Delia qal li Dr Louis Galea waħdu ma jistax imexxi din ir-riforma, imma għandu bżonn lill-kunsilliera jgħidu xi jridu mill-Partit. Ħeġġiġhom biex ma jħallux min jeħdilhom ir-riedni minn idejhom.

Żied jgħid li f’dan iż-żmien il-ħidma tal-Oppożizzjoni baqgħet għaddejja, fosthom fil-każ tal-egrant u semma li l-Qorti issa laqgħet it-talba tieghu biex jixhdu t-tliet Ministri li qal hu evidenti li għandhom informazzjoni dwar ir-rapport tal-inkjesta Egrant minkejja li mhux pubblikat.

Dr Delia tkellem fuq l-ambjent u l-emissjonijiet u staqsa b’liema mod jista’ jkun kredibbli l-Prim ministru jekk daqqa jgħid li jrid l-karozzi elettriċi u fl-istess waqt jinħarġu applikazzjonijiet waħda wara l-oħra għall-pompi tal-petrol.

Aħbarijiet Oħra
Ambjent

Riċerkatur Malti sab l-ismijiet ta’ kważi elf wied f’Malta, Għawdex u Kemmuna. Jispjega li fost affarijiet oħra, l-ismijiet tal-widien f’Malta huma klassifikati fi tlieta; dawk ġejjin minn ismijiet tan-nies, ta’…

Stejjer Umani

Velimir Dulo mis-Serbja, ilu Malta aktar minn sentejn jaħdem bħala technician. Fis-Sajf li għadda ingħaqdu miegħu martu u ż-żewġ uliedu, fosthom Nevena Dulo ta’ 11-il sena li anke bdiet tattendi…

Protezzjoni Ċivili

Id-Dipartiment tal-Protezzjoni Ċivili ffirma ftehim ta’ koperazzjoni mas-Singapore Civil Defence Force. B’dan il-ftehim l-forzi tal-protezzjoni ċivili ta’ Singapore se jipprovdu espert tagħhom b’xejn lid-dipartiment tal-protezzjoni ċivili, fosthom għat-tfassil ta’ pjan…

Lokali

Il-kuntistabbli Ryan Paul Tonna, li miet ħabta u sabta meta faga fl-ikel wara maratona fl-Italja, qal li beda l-atletika minħabba f’ibnu biex ikun ta’ eżempju tajjeb għalih. F’messaġġ fuq il-paġna…

Aktar