Barranin
Wara li fetħulu rasu ndunaw li operawh bi żball

Erba’ tobba fil-Kenja ġew sospiżi wara li raġel spiċċa bl-iskutella ta’ rasu miftuħa għalxejn. Dan hekk kif ġie operat bi żball waqt li kien rikoverat fi sptar fil-kapitali Nairobi.

Jidher li t-tabelli bl-ismijiet tal-pazjenti tħawdu, bil-konsegwenza li t-tobba tfixklu bejn pazjent li kellu bżonn ftit kura għal nefħa, ma’ pazjent li kellu bżonn operazzjoni minħabba demm magħqud f’moħħu.

Il-pazjent bin-nefħa għalhekk spiċċa operat, u kien biss wara li fetħulu rasu li t-tobba ndunaw li ma kellu ebda demm f’moħħu. It-tmexxija tal-Isptar Nazzjonali Kenyatta qal li l-pazjent kien għadu rikoverat iżda qed jirkupra tajjeb mill-operazzjoni bla bżonn.

Aħbarijiet Oħra
Kurżitajiet

Filmat li qed idur fuq il-midja soċjali qed jiġbed l-attenzjoni ta’ bosta għall-mod inġenjuż kif raġel irnexxielu jgħabbi karozza fuq vann. Fil-filmat, li nġibed f’Ħal Qormi, raġel jidher qed jimbotta…

Barranin

Kienet xena li xxokkjat lil eluf kbar ta’ nies madwar id-dinja dik li nqabdet fuq kamera tas-sigurtà fl-Istati Uniti iktar kmieni din il-ġimgħa. Raġel, liebes ġakketta bil-barnuża mtella’, jidher bilqegħda…

Barranin

Filmat miġbud bil-mobile qabad il-mumenti li fih sfrondat l-art ta’ diskoteka fl-Italja. L-inċidenti, li seħħ fil-lejl ta’ bejn il-Ġimgħa u s-Sibt f’Ancona, ħalla 6 mejta u 120 feruti, 7 minnhom…

Aktar