Qorti
Wieħed minn żewġt irġiel ħati li stupra tfajla f’Pembroke

Raġel minn Burkina Faso nstab ħati li 3 snin ilu stupra tfajla Taljana f’Pembroke. Raġel ieħor min-Niġerja ma nstabx ħati ta’ din l-akkuża. Il-ġurati laħqu dan il-verdett wara sitt sigħat jiddeliberaw fi tmiem sebat ijiem jisimgħu x-xhieda fil-ġuri li sar b’bibien magħluqa. L-Imħallef Giovanni Grixti qed jippresjedi l-ġuri u mistenni jagħti s-sentenza għada.

Seydon Bandango minn Burkina Faso u Emmanuel Ngumezi min-Niġerja kienu akkużati li ħatfu lit-tfajla Taljana mill-bajja ta’ San Ġorġ f’Lulju tal-2016, daħluha f’karozza u stuprawha f’Pembroke.

Il-Pulizija kienu marru fuq il-post u fil-karozza sabu wieħed mill-akkużati għarwien minn qaddu ‘l isfel ħdejn il-vittma li kienet qed tibki għall-għajnuna. Ir-raġel l-ieħor kien barra l-karozza u ħarab malli ra l-pulizija u nqabad ftit wara.

Ara wkoll:

Jibda ġuri dwar stupru – jinstema’ bil-bibien magħluqa

FILMAT: jinżammu arrestati wara li ġew mixlija li ħatfu u stupraw Taljana f’Pembroke

Aħbarijiet Oħra
Ambjent

Il-Gvern qed ifassal abbozz ta’ liġi biex Malta jkollha Qorti tal-Ambjent fejn jinstemgħu u jiġu deċiżi każi ta’ reati ambjentali. Il-Ministru tal-Ambjent qal li għandu l-kelma tal-avukati li l-abbozz ta’…

Edukazzjoni

Fil-bidu tas-sena d-dieħla, studenti mill-Korea t’Isfel se jibdew jitħarrġu f’Malta biex jiggradwaw bħala tekniċi fil-manutenzjoni tal-ajruplani. L-istudenti se jitħarrġu fl-MCAST wara qbil bejn il-kulleġġ, żewġ kumpaniji privati u l-gvern tal-Korea…

Edukazzjoni

Il-Fondazzjoni LifeCycle għamlet għotja ta’ €25,000 lill-Università għar-riċerka dwar ċesti li jitrabbew fil-kliewi. Riċerkaturi ser jagħmlu stħarriġ dwar il-ġenetika ta’ din il-kundizzjoni li tintiret fil-familji u twassal għal mard serju…

Televiżjoni u Radju

Il-prevedibbli se jsir imprevedibbli waqt l-għodwiet min-nhar it-Tnejn li ġej ma’ Carlo, Gordon u Anna fuq Magic Malta 91.7 FM. It-tliet karattri vivaċi b’livelli varji ta’ esperjenza radjofonika se jieħdu…

Aktar