Lokali
Wirja li żżewwaq il-moda mat-teknoloġija

Wirja tal-moda żewwqet l-elementi kreattivi tad-disinji tal-ħwejjeġ mat-teknoloġija. F’dan is-servizz niltaqgħu ma’ Missin Tech li hija għaqda volontarja li taħdem biex tindirizza l-isterjotipi assoċjati mas-sessi li jeżistu fid-dinja tat-teknoloġija tal-informatika.

L-attività Dresscode: the untold science of a fashion show saret mill-organizzazzjoni MissinTech b’kollaborazzjoni mal-Microsoft Innovation Centre u l-MCAST.

L-għan tal-attività, kif spjegat Vanessa Vella waħda mill-fundaturi tal-għaqda Missin Tech, hi li tkattar kuxjenza dwar kif il-moda u l-elementi tagħha bħall-fotografija u d-disinn jingħaqdu flimkien. Hi qalet li l-innovazzjoni u l-kreattività li huma tant sinonimi mal-moda jaqblu ma’ dak li jintuża fit-teknoloġija.

Vanessa Vella qalet li “fl-aħħar mill-aħħar fashion show ma jistax jittella’ mingħajr ma jkun hemm dawn l-elementi żgħar tal-IT, li jinkorporaw kollox pereżempju ħafna mid-designers jużaw xi software biex jagħmlu dawn il-creative designs tagħhom”.

Maria Cutajar kienet waħda mid-disinjaturi, b’dak li ħolqot juri l-passjoni li għandha għat-teknoloġija u l-moda. Hi spjegat li l-avvanzi fit-teknoloġija qed ikunu element kruċjali fil-mod kif qed tevolvi l-istorja tal-moda.

“L-għajnuna ta’ programmi oħra biex tikkreja l-ispirazzjoni, billi ssib stampi, using photography and from photography you can create the print by using special programmes” qalet Maria Cutajar.

Il-Membru Parlamentari Rosanne Cutajar qalet li huma biss 10% tal-istudenti f’Malta li jkomplu bl-istudji tagħhom fix-xjenza u t-teknoloġija fil-livell post-sekondarju.

Qalet li biex ikun hemm żieda fir-riżorsi umani speċjalizzati f’dawn is-suġġetti, għandu jkun hemm aktar għalliema mħarrġa fil-mod kif jużaw it-teknoloġija fil-klassijiet waqt il-proċess edukattiv tal-istudenti.

Żiedet tgħid li attivitajiet bħal dawn jikkontribwixxu għat-tkattir tal-ekonomija kreattiva.

Aħbarijiet Oħra
Lokali

Il-Kurja tal-Arċisqof tixtieq tavża li kull nhar ta’ Tnejn u nhar ta’ Erbgħa, l-Uffiċċju Żwigijiet ser ikun miftuħ bejn it-3pm u s-6pm. Fi stqarrija, l-Kurja qalet li l-Uffiċċju Żwiġijiet jiftaħ…

Lokali

Il-Korporazzjoni għas-Servizzi tal-Ilma ħabbret sensiela ta’ proġetti infrastrutturali ta’ aktar minn mitt miljun ewro li ser iżidu l-kwalità tal ilma, inaqqsu l-emissjonijiet, itejbu l-effiċjenza u jipproteġu l-ilma tal-pjan. Il-Kap Eżekuttiv…

Lokali

Christopher Bartolo li qed jiskonta sentenza ta’ ħames snin ħabs waqt li qed jirċievi kura intensiva minħabba kundizzjoni fil-kliewi, se jkollu jibqa’ jistenna biex il-Qorti tiddeċiedi jekk għandux jitħalla joħroġ…

Lokali

Il-Kap tal-Oppożizzjoni, Adrian Delia ppreżenta kawża fil-Prim Awla tal-Qorti Ċivili kontra l-Prim Ministru, l-Avukat Ġenerali, l-Awtorità tal-Artijiet, il-Malta Industrial Parks u l-Vitals Global Healthcare biex il-kuntratt bejn il-Gvern u l-VGH…

Aktar