Lokali
Wirja ta’ muturi storiċi f’Ta’ Qali

Fi tmiem din il-ġimgħa, mal-esebiti fil-Mużew tal-Avjazzjoni f’Ta’ Qali żdiedu sittin mutur.

Il-klabb tal-Muturi Storiċi qed ifakkar It-tletin sena tiegħu b’wirja ta’ muturi antiki, klassiċi u militari fil-Mużew tal-Avjazzjoni f’Ta’ Qali.

Il-wirja hi mixja mal-manifattura tal-muturi: mill-eqdem li jmorru lura għall-1903 u l-1925 sa muturi tal-1974, li lkoll huma klassifikati bħala muturi vintage.

L-uffiċjal tal-klabb, Stephen Zerafa, qal li l-kollezzjoni tkopri storja ta’ ħamsin sena ta’ muturi u hi ta’ interess ukoll għall-istorja tat-trasport f’Malta.

“L-ewwel fil-bidu nett il-muturi kienu novità, xi ħaġa kurjuża li kien jaffordja s-sinjur imbagħad bil-mod il-mod iżjed ma bdew jiżdiedu fil-popolarità bdew jintużaw bħala trasport utilitarju biex dak li jkun imur għax xogħol allura qisek għandek żewġ friegħ fl-istorja.”

Is-Sur Zerafa qal li l-wirja qed issir fil-mużew tal-Avjazzjoni minħabba r-rabta bejn l-ajruplani u l-muturi.

”L-għamla taa’ ajruplan u ta’ mutur fil-fatt hemm min jgħid li meta ssuq mutur qisek kważi qed ittir allura għandek l-iżvilupp tal-ajruplani in tandem mal-iżvilupp tat-teknoloġija tal-ajruplani.”

Il-wirja tkun miftuħa għall-pubbliku l-Ħadd. Il-klabb tal-Muturi Storiċi għandu 60 membru li bejniethom għandhom mal-400 mutur.

Aħbarijiet Oħra
COVID-19

Il-mediċina u l-ikel huma fost l-aktar prodotti essenzjali li mingħajrhom Malta ma tgħaddix fi żmien ta’ pandemija. Tliet xufiera Maltin li jaħdmu ma’ kumpanija lokali tal-loġistika rifsu Malta għall-ewwel darba…

Lokali

Fil-fehma tad-Dekan tal-Fakultà għat-Tisħiħ tas-Soċjetà, il-Professur Andrew Azzopardi, il-ġlieda kontra d-droga u l-kultura tal-flus huma kruċjali biex iż-żgħażagħ ma jaqbdux it-triq tal-kriminalità li studju juru li jekk jidħlu fiha minn…

Kronaka

Il-pulizija qed tfittex raġel li wara nofsinhar daħal jisraq minn dar ta’ anzjana f’San Ġiljan. Il-pulizija qalet li ġiet informata bis-serqa minn residenza fi Triq Ċensu Tabone li tinsab fiż-żona…

Infrastruttura

Dik li kienet il-Biċċerija l-Antika lejn in-naħa t’isfel tal-Belt, mix-xahar id-dieħel se tkun il-Valletta Design Cluster – proġett li ser ikun wirt ieħor li jibqa’ minn fost kullana ta’ inizjattivi…

Aktar