Kultura
Wirja tal-arti spirata mis-silenzju u s-solitudni

Esebizzjoni li żżewwaq il-figurattiv mas-surreali, il-pitturi ta’ Alfie Gatt jinstigaw u jnebbħu l-kilba għal dak li huwa naturali. “Love Letter” hija kollezzjoni ta’ xogħlijiet artistiċi mimlija immaġinazzjoni.

Alfie Gatt huwa pittur żagħżugħ li jispira ruħu mis-silenzju u s-solitudni. Jistqarr li x-xogħlijiet artistiċi tiegħu huma mnebbħa minn sens ta’ surrealliżmu li jqarreb lejn il-ħolm.

“Love Letter” hija esebizzjoni li qed tittella’ f’gallarija tal-arti fil-Belt, b’għadd ta’ xbihat jikkomunikaw firxa ta’ emozzjonijiet umani, minn espressjonijiet plaċidi għall-vivaċità ta’ memorji li jqanqlu n-nostalġija.

L-artist qal li x-xeni jikkomunikaw id-distakk bejn il-ġisem u l-moħħ; u l-kuntrast bejn il-limitazzjonijiet u l-immaġinazzjoni.

Alfie Gatt qal “xtaqt noħloq dan l-effett ta’ stil ta’ transazzjoni bejn il-moħħ u l-ġisem, il ġisem li jinstab preżenti u l-moħħ li jkun qiegħed xi mkien ieħor, fl-immaġinazzjonijiet u anki fi ħsibijiet nostalġiċi.”

Alfie jgħid li fattur kruċjali li kkontribwixxa għall-osservazzjonijiet personali tiegħu hija t-teknoloġija u kif il-kultura tal-internet qed tħalli l-marka tagħha fuq l-kwalità ta’ ħajja għall-iskapitu tan-natura.

Qal li huwa għal dan l-għan li l-kollezzjoni ta’ xogħlijiet artistiċi hija msejsa fuq elementi li jispikkaw meta r-raġel u l-mara jkunu fl-aktar stat naturali tagħhom u kif dawn jikkuntrastaw mal-artifiċjalità.

“Love Letter” se tkun għall-wiri sas-17 ta’ Novembru.

Aħbarijiet Oħra
Elezzjoni

F’attività politika fil-Mellieħa, il-Prim Ministru Joseph Muscat tkellem dwar l-Istrateġija Nazzjonali tal-Isport li tnediet aktar kmieni matul il-ġurnata. Qal li u jemmen li hemm potenzjal kbir f’dan is-settur u għalhekk…

NGOs

Il-Prim Ministru Joseph Muscat inawgura hub modern u tal-għola standards fil-Marsa msejjaħ The Meeting Place li ser isservi biex ikollhom spazju fejn jiltaqgħu l-għaqdiet mhux governattivi li jaħdmu fl-oqsma tal-edukazzjoni,…

Elezzjoni

Il-Prim Ministru u Mexxej Laburista Joseph Muscat qal li l-iskema biex jingħataw ħlasijiet lill-eluf ta’ ħaddiema approvata mill-Kabinett saret biex issir ġustizzja ma’ iktar ħaddiema f’diversi oqsma fosthom ex ħaddiema…

Elezzjoni

Il-Kap tal-Partit Nazzjonalista Adrian Delia qal li, għal dan il-Gvern, Għawdex mhuwiex prijorità. Waqt attività politika fin-Nadur Ghawdex illejla, Dr Delia sostna li hemm kuntrast qawwi mal-investiment li kien għamel…

Aktar