Kurżitajiet
X’effett iħalli l-alkoħol fuq il-ġilda?

Il-ġilda qatt ma tidher tajjeb l-għada ta’ xi xarba tajba.

L-esperta tal-ġilda Debbie Thomas qed twissi li min iqatta’ xi lejl jixrob, il-ġilda tal-wiċċ tlaqqatha l-agħar tant li tkun qed tirriskja li jkollok ċrieki suwed madwar l-għajnejn, ponot u ħmurija fil-wiċċ.

Id-dermatoloġista li hija bbażata Londra, bi klijentela bħal Dua Lipa, Jourdan Dunn u Poppy Delevingne, qed tgħid għalkemm wieħed jaħseb li dawn l-effetti ma jdumux jidhru fil-wiċċ, iżda tista’ ssir ħsara permanenti.

Debbie Thomas qed tgħid li l-alkoħol jikkawża n-nuqqas ta’ ilma fil-ġilda u għalhekk tista’ tieqaf tipproduċi ċelloli ġodda.  Dan jista’ jwassal għal dannu fil-ġilda tal-wiċċ, li ssir iktar sensittiva minħabba l-irritazzjoni li tista’ tikkawża iktar ħmura.

Jekk tixrob l-alkoħol darba kultant il-ġilda ma titkabarx wisq, iżda xorta hemm ċans li ma tiskansax in-nuqqas ta’ ilma fil-wiċċ.  Dan jista’ jwassal għan-nefħa f’partijiet oħra tal-ġisem ukoll, iżda hemm ċans lil taffettwa ċ-ċirkolazzjoni fil-futur.

Il-parir huwa li meta ma tkunx tista’ tevita li tixrob l-alkoħol, huwa tajjeb li tixrob kemm tiflaħ ilma matul il-ġurnata u anke bejn grokk u ieħor.

L-aħjar li tixrob alkoħol li ma tantx għandu zokkor, bħall-vodka u inbid “dry”.  Xi ħaġa oħra importanti hija l-irqad għax dan huwa ħin prezzjuż għall-ġilda biex tirriġenera.

 

 

Aħbarijiet Oħra
Saħħa

Id-Direttur tal-Caritas, Anthony Gatt, qal li d-dibattitu dwar il-leġiżlazzjoni tal-kannabis għal skop rikreattiv mhux wieħed faċli u kollox għandu l-vantaġġi u l-iżvantaġġi tiegħu. F’konferenza tal-aħbarjiet ma’ rappreżentanti mal-Assoċjazzjoni tal-Psikjatrija, il-Fondazzjoi…

Saħħa

Fl-aġġornament ta’ kuljum dwar il-Coronavirus, is-Supretendent tas-Saħħa Pubblika, il-Professur Charmaine Gauci qalet li s’issa f’Malta saru swabs fuq 22 persuna li kellhom is-sintomi tal-virus iżda kollha rriżulataw li m’għandhomx il-Covid-19,…

L-għan ewlieni tal-fondi u l-programmi tal-Unjoni Ewropea hu li jgħinu jindirizzaw sfidi strutturali partikolari, ikattru t-tkabbir u jsaħħu l-kompetittività ta’ kull pajjiż membru. Fir-rapport ta’ evalwazzjoni tal-Kummissjoni Ewropea dwar ir-riformi…

Ambjent

It-trakkijiet li jiġbru l-iskart ma jaqtgħu xejn deħlin u ħerġin mill-Magħtab. Fil-jum tal-Ħamis meta f’ħafna tal-lokalitajiet jinħabar l-iskart fil-borża s-sewda, l-ħidma tal-Wasteserv li hija responsabbli għall-immaniġjar tal-iskart ma tieqafx hekk kif…

Aktar