Mużika
Xejn isbaħ minn tbissima u ftit pożittività – Ivan Grech u sħabu jinterpretaw ‘Happy’

F’dawn l-aħħar ġimgħat il-kantant tal-grupp Winter Moods, Ivan Grech, hu u jqelleb fuq il-midja soċjali ġie wiċċ imb wiċċ ma’ verżjoni rock il-ġmiel tagħha tal-kanzunetta ‘Happy’ tal-kantant Amerikan Pharrell Williams. Liema kanzunetta daqqha ħabib tiegħu, il-kitarrist Chalie Muscat.

Filwaqt li l-verżjoni tas-Sur Muscat niżlitlu għasel, is-Sur Grech issuġġerielu jkompli jżewwaq il-kanzunetta billi jżidilha l-kant mal-melodija. Għall-ewwel, lis-Sur Muscat qallu biex jara jirnexxilux isib ‘il xi ħadd li jista’ jagħtih daqqa t’id. Imbagħad, is-Sur Grech donnu tħajjar u qallu biex jagħmluha flimkien.

Iż-żewġ artisti daħlu għaliha b’ruħhom u b’ġisimhom. Flimkien, emendaw il-verżjoni rock kif meħtieġ b’tali mod li leħen Ivan jamalgama bis-sħiħ mal-melodija u jpaxxi ‘l-widna tal-pubbliku b’suċċess.

Fl-isfond tal-filmat tal-kanzunetta, il-kantant tal-grupp Winter Moods stqarr fuq Facebook li minħabba l-perjodu straordinarju li ninsabu fih il-vidjo mużikali tal-kanzunetta kellu jkun magħmul minn għadd ta’ filmati maħdumin mid-dar.

https://www.facebook.com/ivanwintermoods/posts/2909525092501177?__xts__%5B0%5D=68.ARADWzZy2h6K5mod4QILFCU0JS9JQZ3eoO0pHMxtCY2vt1tbC7P-QEwZXIeudXxybGoEu3MaCIGbYwMoBOsEhxsEwDPbnAMAbWlEGju3wQJ1e3RsZ28ImBEGflVQ0nYdRJCFfv-X65599T47FbTPvH9kbk0mxwvLju_IUuVv-qPY5txJdhwPO0JrRrrD2qFy4rIKTc0SY2FuKsgKn4V0-iLRLl-CCVaz0ZxgaQpdE2VQJq48x2i65EI_4D0eiWG8wd5tU2MQmW5MXAwnnjo1gokcoIMEe_XCd5dJ7qC1jnRLbJsNWE5J5hvxWBHezrtzjtb7bYmfUF-Pc2j98DrSp1bRMg&__tn__=-R

Lis-Sur Grech il-limitazzjonijiet tal-mument qajla xekkluh. Il-kantant ikkuntattja ftit ħbieb tal-qalb tiegħu u lkoll minn darhom irnexxielhom ifasslu filmat mill-aktar ħelu msejjes fuq kull xorta ta’ żfin u kant riżultat tar-ritmu mgħaġġel tal-kanzunetta li bla ma trid inissillek tbissima.

Aħbarijiet Oħra
Internet

Matul l-aħħar xhur straordinarji, ħobbha jew ogħbodha, it-teknoloġija lkoll ġejna bżonnha. Kienet kruċjali, fost l-oħrajn, biex bosta anzjani ma jinqatgħux għalkollox minn mal-għeżież tagħhom fil-qilla tal-pandemija. Minkejja l-għadd ta’ benefiċċji…

COVID-19

Qabżu t-12-il miljun il-każijiet madwar id-dinja ta’ coronavirus li minnhom irkupraw 6,587,439. Ġew irreġistrati wkoll 549,508 mewt globalment mill-Covid-19. Tokyo l-Ġappun, irreġistra rekord ta’ 224 ta’ infezzjonijiet ġodda li huwa…

COVID-19

It-tmexxija ta’ San Vinċenz de Paule ħabbret li minn nhar it-Tnejn 13 ta’ Lulju se jinfetħu l-bibien tas-swali ta’ San Vinċenz għall-viżitaturi bl-appuntament. Fi stqarrija l-faċilità ta’ San Vincenz qalet…

COVID-19

Il-Kumpanija Gozo Channel Operations Limited fi stqarrija fakkret lill-pubbliku li l-ilbies tal-maskri huwa obbligatorju. L-ilbies tal-maskri baqa’ obbligatorju kemm fit-terminals kif ukoll fuq il-vapuri kollha.

Aktar