Politika
Il-Ministru Ian Borg jindika li jista’ jikkontesta l-elezzjoni għall-Mexxej tal-Partit Laburista

Il-Ministru għall-Infrastruttura u t-Trasport Ian Borg indika li jista’ jikkontesta l-elezzjoni għall-Mexxej tal-Partit Laburista.

F’post fuq il-midja soċjali tiegħu, Dr Borg qal li se jkompli jiltaqa’ ma’ aktar familji u se jibqa’ jaħdem mal-poplu biex ma jħalli l-ebda xkiel u interess negattiv, ikisser l-għaqda li qal xettlet is-suċċess. Żied jgħid li fil-jiem li ġejjin il-Partit Laburista se jieħu deċiżjonijiet importanti u li l-appoġġ tal-poplu hu l-kuraġġ tiegħu. Temm jgħid li xejn mhu se jżommu milli jagħmel dak kollu possibbli.

Il-Ministru Borg kiteb li bħala moviment u Gvern, se jdawwar kull sfida f’opportunità biex ikun hemm aktar ġustizzja, aktar progress u aktar għaqda għall-familji kollha f’Malta u Għawdex.

In-nomini għall-elezzjoni ta’ mexxej tal-Partit Laburista jibdew jintlaqgħu nhar it-Tnejn li ġej u jagħlqu l-Erbgħa. Ilbieraħ l-ewroparlamentari Miriam Dalli ħabbret li mhix se titfa n-nomina tagħha biex tkun kandidat għall-elezzjoni ta’ Mexxej Laburista waqt li d-Deputat Prim Ministru Chris Fearne u d-Deputat Robert Abela indikaw li jistgħu jkunu kandidati għas-suċċessur ta’ Dr Joseph Muscat.

Aħbarijiet Oħra
Kultura

Tlesta proġett ta’ restawr tal-pittura tas-saqaf fil-Kappella dedikata lill-konversjoni ta’ San Pawl fil-Wied ta’ Birkirkara. Din kienet saret mill-artist Ġużeppi Briffa waqt li r-restawr sar mill-kumpanija Atelier Del Restauro. Ir-restawr…

Qorti

Dr Manfred Galdes li kien Kap Eżekuttiv tal-FIAU, qal li n-nuqqas ta’ riżorsi fit-taqsima tal-Pulizija dwar ir-reati ekonomiċi kienet qed tagħmel ix-xogħol tal-FIAU inutli. Spjega li r-rapporti li l-FIAU kienet…

Saħħa

Fiċ-Ċina, tliet persuni mietu u iżjed minn 200 oħra jinsabu morda, wara li ħakimhom mikrobu ġdid li qed jissejjaħ novel coronavirus. F’kummenti lil TVM, is-Supretendent tas-Saħħa Pubblika, il-Professur Charmaine Gauci,…

Aktar