Lokali
“Xena makabra li timpressjonak” – raġel li ra lill-Pulizija jitkaxkar u jitgħaffeġ

Ħaddiem li dalgħodu ra lill-kuntistabbli Simon Schembri jiġi mkaxkar u mgħaffeġ minn karozza f’Ħal Luqa qal li baqa’ impressjonat bix-xena makabra, u għalkemm ipprova jagħti l-ewwel għajnuna, kien se jħossu ħażin b’dak li ra.

Ix-xhud, li xtaq jibqa’ anonimu, qal lil TVM kif dalgħodu kienu għandhom kif bdew il-jum tax-xogħol, u wara xi nofsiegħa semgħu brejk qawwi u ħarġu barra. “Naraw karozza qed tiskiddja u ddur minn wara, laqtet il-bankina. Filwat li rajniha tolqot il-bankina ħareġ persuna minn taħt il-karozza li kien pulizija. Sadanittant ma kontx naf li hu pulizija,” qal ix-xhud.

Qal li mar jiġri fuqu biex jagħtih l-ewwel għajnuna u sakemm wasal ħdejh għafas in-numru tal-emerġenza fuq il-mobile. “Sakemm wasalt fuq il-pulizija idejh kienet litterament mingħajr laħam. Il-crash helmet kienet mittiekla tant kemm tkaxkar taħt il-karozza. Beda ħiereġ ħafna demm minn dahar il-pulizija u minn koxtu u saqajh.”

X’ġara eżatt?

Ix-xhud kompla jgħid li x’ħin daret il-karozza, li kienet għaddejja b’veloċità esaġerata, reġgħet għaffġet lill-pulizija bir-rota ta’ wara.

“Ix-xena vera makabra, li timpressjona ruħek taraha,” sostna x-xhud. “Sadanittant pruvajt nagħti l-ewwel għajnuna lill-pulizija imma kien se jħossni ħass ħażin. Inġemgħu ħafna nies ukoll.”

Mistoqsi fejn kien il-pulizija meta seħħ l-inċident, qabel ma s-sewwieq kiser, ix-xhud qal li l-Pulizija kien imwaħħal mar-running board tal-karozza.

“Dan Pulizija tat-Traffic”

“Mal-art x’ħin ħriġna niċċekjaw fejn hu il-mutur tal-pulizija, tara splashes ta’ demm fejn tkaxkar il-pulizija u idejh ittieklet mal-art, tant kemm kaxkru mal-art,” kompla jgħid ix-xhud.

Fil-fatt huwa lanqas induna mill-ewwel li kien pulizija. “Jien indunajt li kien pulizija, għax ħwejġu tqattgħu, fuq sidru kellu pulizija miktub u kien baqa’ ftit minna tidher. Infatti bgħatt lill-emerġenza u għidtilhom ibgħatu lil xi ħadd malajr u dan Pulizija tat-Traffic.”

Ix-xhud jgħid li baqa’ impressjonat b’din ix-xena. “Xokk kbir għalija, bqajt impressjonat u se nibqa’ niftakarha għal għomri… makabra, ħadd ma jistħoqqlu hekk.”

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar