Unjoni Ewropea
X’futur trid wara l-25 ta’ Mejju li ġej?

Bil-għan li jħeġġeġ lin-nies jivvutaw għall-elezzjoni tal-Membri Parlamentari Ewropej tal-25 ta’ Mejju, il-Parlament Ewropew nieda l-filmat “Agħżel il-Futur Tiegħek”.  Il-filmat, li huwa parti mill-kampanja elettorali tal-Parlament Ewropew ibbażata fuq is-sentiment tal-għaqda, ħalla impatt eċċezzjonali, u f’ġimgħa l-utenti fuq l-internet rawh għal aktar minn 75 miljun darba.

Il-filmat għandu s-sottotitli fl-24 lingwa uffiċjali tal-Unjoni Ewropea kif ukoll f’lingwi ta’ pajjiżi oħrajn tal-UE għal total ta’ 32 verżjoni, kif ukoll 5 lingwi ewlenin fid-dinja li huma l-Għarbi, iċ-Ċiniż, ir-Russu, il-Ħindi u t-Tork).  Sar ukoll f’31 lingwa tas-sinjali u bil-lingwa internazzjonali tas-sinjali, bl-appoġġ tal-Unjoni Ewropea tal-Persuni Torox.

Il-filmat jiddokumenta l-mumenti intensivi, sbieħ u fraġli meta t-trabi jitwieldu madwar l-Ewropa u għandu l-għan li jħeġġeġ lin-nies jirriflettu dwar ir-raġuni għala nivvutaw. Kull twelid li jintwera fil-filmat huwa filmat miġbud realment.

Bħala wieħed mill-elementi ċentrali tal-kampanja elettorali tal-Parlament għall-elezzjonijiet Ewropej 2019, il-film għandu l-għan li jqajjem il-kuxjenza fost l-Ewropej tal-valuri, l-emozzjonijiet u r-responsabbiltajiet li jikkondividu. U jġegħelna naħsbu x’futur irridu għal dawk li se se jiġu warajna.

Il-kampanja tal-Parlament Ewropew tinkludi wkoll il-pjattaforma diddarbasenivvota.eu bil-għan li tħeġġeġ lin-nies jinvolvu ruħhom fl-elezzjonijiet Ewropej. S’issa nkitbu mal-pjattaforma iżjed minn 270,000 persuna.  L-elezzjonijiet madwar l-UE ser isiru fit-28 pajjiż membru tal-UE bejn it-23 u s-26 ta’ Mejju. F’Malta dawn ser isiru s-Sibt 25 ta’ Mejju 2019.

Ara wkoll:

Il-Maltin pożittivi dwar is-sħubija fl-UE, il-maġġoranza se jivvutaw fl-elezzjoni tal-MEPs

Aħbarijiet Oħra
Saħħa

Id-Direttur tal-Caritas, Anthony Gatt, qal li d-dibattitu dwar il-leġiżlazzjoni tal-kannabis għal skop rikreattiv mhux wieħed faċli u kollox għandu l-vantaġġi u l-iżvantaġġi tiegħu. F’konferenza tal-aħbarjiet ma’ rappreżentanti mal-Assoċjazzjoni tal-Psikjatrija, il-Fondazzjoi…

Saħħa

Fl-aġġornament ta’ kuljum dwar il-Coronavirus, is-Supretendent tas-Saħħa Pubblika, il-Professur Charmaine Gauci qalet li s’issa f’Malta saru swabs fuq 22 persuna li kellhom is-sintomi tal-virus iżda kollha rriżulataw li m’għandhomx il-Covid-19,…

L-għan ewlieni tal-fondi u l-programmi tal-Unjoni Ewropea hu li jgħinu jindirizzaw sfidi strutturali partikolari, ikattru t-tkabbir u jsaħħu l-kompetittività ta’ kull pajjiż membru. Fir-rapport ta’ evalwazzjoni tal-Kummissjoni Ewropea dwar ir-riformi…

Ambjent

It-trakkijiet li jiġbru l-iskart ma jaqtgħu xejn deħlin u ħerġin mill-Magħtab. Fil-jum tal-Ħamis meta f’ħafna tal-lokalitajiet jinħabar l-iskart fil-borża s-sewda, l-ħidma tal-Wasteserv li hija responsabbli għall-immaniġjar tal-iskart ma tieqafx hekk kif…

Aktar