Temp
X’għandek tagħmel biex tilqa’ għas-sħana?

Hekk kif is-sħana bdiet tagħmel tagħha, id-Direttorat tas-Saħħa qed javża biex wieħed jieħu l-prekawzjonijiet meħtieġa minħabba s-sħana.

Id-Direttorat saħaq li huwa importanti li wieħed jixrob b’mod kontinwu minħabba li bis-sħana l-ġisem jitlef ħafna ilma. Is-sħana taf twassal ukoll għall-attakki tal-qalb. Għalkemm is-sħana taffettwa lil kulħadd, it-trabi, tfal żgħar, anzjani u persuni b’kundizzjoni kronika taffettwahom aktar.

Għaldaqstant id-Direttorat qed iħeġġeġ lill-pubbliku biex jevita li joħroġ fl-eqqel tax-xemx bejn il-11am u l-4pm, iżomm ruħu frisk, jagħlaq il-purtieri biex jilqa’ lix-xemx, jixrob ilma frisk u jiekol aktar ikel kiesaħ bħal salad. Wieħed għandu jevita li jixrob likwidi li jistgħu jnixxfuh bħal alkoħol, kafè u te. Wieħed għandu jilbes ħwejjeġ ħfif u mhux issikati, jimxi fid-dell, japplika l-krema tax-xemx u jilbes kappell. Wieħed m’għandux joqgħod magħluq f’xi karozza, speċjalment ma jħallix lit-tfal u l-annimali magħluqa f’karozza.

Id-Direttorat jagħti parir biex jekk wieħed iħoss il-ħtieġa jieħu anke parir mediku b’mod partikolari l-anzjani.

Ara wkoll:

Int qed tħossha? Kulħadd jgħid tiegħu fuq is-sħana

AĠĠORNAT: Illum l-iktar jum sħun f’Ġunju fl-aħħar 12-il sena

Aħbarijiet Oħra
Politika

Id-19-il deputat tal-Grupp Parlamentari tal-Partit Nazzjonalista qalu li f’kull deċiżjoni li qed jieħdu qed jiżguraw li jpoġġu l-interessi tat-tesserati, tal-Partit kif ukoll tal-pajjiż fuq quddiem. Tkompli l-istennija għal direzzjoni mill-President…

Politika

Waqt l-ewwel attività tal-massa wara l-pandemija, fil-Mosta, il-Prim Ministru u Mexxej Laburista Robert Abela qal li l-isqaq li daħlu fih il-Partit Nazzjonalista, issa jridu jkunu huma li jridu jaraw kif…

Politika

Id-19 membru tal-grupp parlamentari tal-PN fi stqarrija qalu li jixtiequ jwasslu messaġġ ta’ kuraġġ lil dawk li dejjem taw appoġġ lill-Partit Nazzjonalista u lill-Maltin u l-Għawdxin ta’ rieda tajba. Fl-istqarrija…

Kronaka

Matul il-lejl li għadda, il-Pulizija flimkien ma’ membri tal-Forzi Armati ta’ Malti wettqu diversi kontrolli tat-traffiku madwar Malta fejn irriżultaw f’sejba ta’ droga kif ukoll ġew osservati ksur ta’ regolamenti tat-traffiku….

Aktar