Lokali
X’għandek tagħmel meta tibqa’ thewden fuq esperjenza qarsa?

Kif tkampa u xi trid tagħmel jekk wara xi esperjenza qarsa tispiċċa thewden lejl u nhar b’dak li jkun ġralek? L-effett psikoloġiċi tat-trawma u kif jiġu megħluba kienu ttrattati f’konferenza tal-Fondazzjoni Richmond fost oħrajn mill-psikjatra Walter Busuttil li ħadem ma’ bosta suldati Ingliżi li kienu ttrawmatizzati f’sitwazzjonijiet ta’ konflitt.

Skond il-psikjatra Walter Busuttil li kkura suldati tal-qawwiet tal-ajru Inglizi, mingħajr trattament adegwat, esperjenzi trawmatiċi jaf iħallu konsegwenzi fit-tul fuq is-saħħa mentali.

Walter Busuttil jispjega li “li jiġri hu li l-moħħ ma jistax jgħaddi din l-informazzjoni għal memorja għax il-moħħ imur f”survival mode’ u li jiġri wara huwa li l-memorji jibqgħu jitfaċċaw f’moħħok, jiġifieri kollox jagħmel ‘replay’, imbagħad li jiġri huwa li l-moħħ jgħaddi minn perjodu li ma jaħsibx sew, nies joqogħdu jhewdnu.”

Dr Busuttil saħaq li s-sapport mill-familjari u l-persuni qrib huwa kruċjali fl-għajnuna li jkollhom bżonn persuni li jkunu għaddejin minn trawma.

“What needs to be done is that people need to talk about it in a way that does not inflate the situation, have an explanation perhaps and that things are open and transparent, and when there is an explanation that that is made public, and the other way is that if we feel very aggreaved is to forgive the individuals who we may not even know for what happened” qal Dr Busuttil.

Il-Kap Eżekuttiv tal-Fondazzjoni Richmond Stephania Dimech Sant spjegat kif wieħed jinduna li għaddej minn sitwazzjoni trawmatika.

“Din tista’ tkun l-iċken inċident li lilek jafetwak u inti ma telgħibx l-impatt tiegħu u jibda jaffetwak, u qisek teħel f’dik l-esperjenza. Jistgħu jkunu esperjenzi kbar bħal mewta traġika jew inċident fuq il-post tax-xogħol. Jiġifieri l-persuna tista’ tesperjenza diversi sitwazzjonijiet bħala trawmatici” qalet li Stephania Dimech Sant.

Il-fondazzjoni Richmond toffri servizzi ta’ għajnuna għall-problemi psikoloġiċi u fil-qasam tas-saħħa mentali.

Aħbarijiet Oħra
Qorti

Żewġ persuni se jitressqu l-Qorti ikar tard illum b’rabta ma’ attentat ta’ serqa li seħħet fil-ħanut Crystal Palace f’Ħaż-Żabbar ix-xahar li għadda. Skont il-Pulizija, wara investigazzjoni li ilha sejra għal…

Storja

Heritage Malta għaddejja bi studji biex villa Rumana li tinsab fl-inħawi ta’ Għar Dalam terġa’ tiġi skavata mill-ġdid wara 100 sena, bit-tama li jintefa’ dawl ġdid fuq l-istorja ta’ Malta….

Kronaka

Mara dalgħodu sofriet xi ġrieħi wara li sfat imtajra f’Birkirkara. L-inċident seħħ fil-bypass għall-ħabta tad-9.05am. Mill-ewwel informazzjoni jidher li l-mara ntlaqtet minn vettura li kienet ħierġa minn triq sekondarja għal…

Aktar