Kultura
X’hemm lest għad-disa’ edizzjoni ta’ Żigużajg?

Tela’ s-siparju fuq id-disa’ edizzjoni tal-Festival Żigużajg, li ser isir fuq medda ta’ għaxart ijiem. Din is-sena mal-130 artist qed jieħdu sehem f’numru ta’ proġetti artistiċi, li fi kliem id-Direttur tal-Festival, ħolqu spazju għall-artisti Maltin u barranin biex juru t-talent tagħhom, u fl-istess ħin għat-tfal biex japprezzaw l-arti minn ċkunithom.

Wara vjaġġ twil mill-Amażjona, l-għasfur Tingo ma ngħatax merħba xierqa mill-Merill u tliet għasafar oħra tal-passa. Iżda wara li semgħu l-esperjenza tiegħu, fehmu lill-għasfur u tawh kenn f’darhom wara li fehmu li ma kien hemm l-ebda ċans li jerġa’ jmur lura.

The New Victorians u l-pupazzi li ħoloq Matthew Pandolfino ħolqu atmosfera divertenti b’messaġġ favur l-inklussività għall-istudenti fl-Iskola Primarja tas-Siġġiewi, fl-ewwel produzzjoni tal-festival Żigużajg.

“Qegħdin immorru fil-komunitajiet u l-iskejjel b’dan il-proġett, li huwa fuq l-integrazzjoni u multikulturaliżmu, li huma temi bħal oħrajn li għandna fil-festival, li għandhom jiġu diskussi b’mod artistiku bi pjattaforma ideali,” qal Daniel Azzopardi, Direttur ta’ Żigużajg.

Adam u Ella huma fost it-8,000 tifel u tifla li matul l-għaxart ijiem li ġejjin li ser jaraw produzzjonijiet ta’ Żigużajg fl-iskejjel. Iż-żewġ studenti stqarrew li jħobbu dawn l-esperjenzi kreattivi, artistiċi u kulturali.

Tingo huwa wieħed minn 21 proġett ta’ espressjoni kreattiva li ser jittellgħu f’postijiet differenti bejn il-15 u l-24 ta’ Novembru fil-Belt Valletta u f’numru ta’ skejjel madwar Malta u Għawdex tul il-jiem tal-festival Żigużajg.

Aħbarijiet Oħra
Kronaka

Raġel ta’ 24 sena mis-Somalja, qed isofri minn ġrieħi gravi wara li ġie aggredit f’Għawdex. Il-każ seħħ għall-ħabta ta’ nofs il-lejl, fi Triq il-Munġbell, fiż-Żebbuġ, Għawdex. Il-Pulizija tad-Distrett flimkien mar-Rapid…

Kronaka

Il-Ġimgħa filgħaxija għall-ħabta tat-tmienja u nofs ta’ filgħaxija, inqala’ argument bejn raġel ta’ 48 sena residenti San Pawl il-Baħar, u żewġt irġiel. Fi stqarrija l-Pulizija qalu li l-argument seħħ fi…

Qorti

Ir-raġel ta’ 29 sena mill-Georgia li lbieraħ ġie arrestat wara s-sejba ta’ madwar kilo kannabis, tressaq il-Qorti u ġie mixli b’akkużi ta’ pussess, importazzjoni u traffikar ta’ droga kannabis Il-Pulizija…

Aktar