Lokali
“Xħin ratni ommi għannqitni għax ħasbet li ntradamna”

Jumejn wara li l-inċident fil-Mellieħa meta ġġarrfet blokka ta’ appartamenti, TVM tkellem ma’ Lindsey Smith, li dak il-ħin li waqa’ l-bini kienet ma’ binha ta’ 4 snin l-ajruport diġà fuq l-ajruplan biex imorru l-Ingilterra.

Quddiem il-blokk imġarraf Lindsey irrakkoktat il-mumenti meta fuq l-ajruplan telgħu l-pulizija u uffiċjali tal-ajruport u infurmawha x’ġara. Tirrakkonta emozzjonalment bid-dmugħ f’għajnejha wkoll il-mument meta twasslet l-isptar u għannqet lil ommha magħha.

Qalet li ommha ma kinitx taf jekk laħqitx ħarġet barra fit-triq. Lindsey irrakontat li ommha lill-membri tas-salvataġġ bdiet tgħidilhom li jista’ jkun hemm bintha u neputi maqbuda.

Maggie Smith ta’ 77 sena ilha tgħix Malta 15-il sena u toqgħod fl-appartament li ġġarraf sitt snin. Maggie tgħix waħedha hemm, wara li f’Diċembru miet ir-raġel tagħha. Bintha Lindsey tiġi spiss Malta, fil-fatt waslet is-Sibt ta’ qabel u kienet sejra lura s-Sibt li għadda meta seħħ l-inċident.

Fil-ħin li ġej tvm.com.mt se jxandar l-intervista sħiħa ma’ Lindsey Smith.

Aħbarijiet Oħra
Lokali

Il-ġurnalist veteran Reno Bugeja rrapporta għax-xogħol għall-aħħar darba mal-istazzjon nazzjonali wara karriera ta’ 44 sena. Is-Sur Bugeja se jirtira bl-età f’nofs dan ix-xahar wara li għall-aħħar seba’ snin mexxa l-Kamra tal-Aħbarijiet…

Lokali

Issokta r-restawr tal-fortifikazzjonijiet li jinkludu l-Ospizio fil-Furjana biex sas-sajf ta’ sentejn oħra jinfetaħ għall-pubbliku dak li qed jissejjaħ bħala l-ewwel mużew tal-arti kontemporanja f’Malta bl-isem ta’ MICAS. Il-proġett jinkludi fost…

Avjazzjoni

L-Air Malta kitbet paġna oħra fl-istorja tagħha meta ajruplan tal-linja nazzjonali tar għall-ewwel darba lejn l-Indja biex ħa lura f’Kerala 110 ċittadin Indjan f’titjira ta’ ripatrijazzjoni mħallsa mill-gvern. Tkellimna ma’…

Lokali

Il-Programm taċ-Ċittadinanza b’Investiment se jingħalaq u l-aġenti ġew infurmati biex ma jaċċettawx iżjed applikazzjonijiet. Minflok ser isiru regolamenti ġodda dwar ir-residenza b’żewġ saffi. Saff minhom jagħti dritt lil persuni li…

Aktar