Ikel
X’jagħmel il-ftira Maltija differenti minn ħobż ieħor?

X’jagħmel lill-ftira daqstant speċjali u x’qed isir biex tiddaħħal fil-lista tal-UNESCO bħala wirt kulturali Intanġibbli?

Ftira friska u tqarmeċ imħawra jagħmlu l-ftira biż-żejt mill-aktar appetituża u mfittxija għal ikla ta’ malajr.

John Borg ilu għomru u żmienu jħawwar il-ftajjar bil-ġardiniera, il-basal, il-karotti, in-nagħniegħ, il-ħabaq, il-ħass, il-fażola, iż-żebbuġ u t-tonn taż-żejt fost oħrajn. Qalilna li l-ftira Maltija l-aktar li timxi.

“Ħafna ħafna. Jitolbuh ħafna l-ftajjar biż-żejt speċjalment ħdejn il-baħar, meta jmorru l-baħar jieħdu ħafna magħhom.”

Il-ftira Maltija hija fost il-prodotti lokali li għadha ssir bl-idejn u se tiġi proposta biex tiġi nkluża fil-lista tal-Wirt Kulturali Intanġibbli Dinji.

Dr Noel Buttigieg qal “il-proċess li jsir jinkludi li int trid tuża ħafna jdejk fosthom biex tiffurmha, biex tiċċattja, tneħħi l-gassijiet kollha li jkun hemm fil-ftira nnifisha, tagħmlilha dik it-toqba li nafu li ssir fin-nofs. Barraminhekk din tissajjar, pjuttost malajr, ma tiħux aktar minn 20 minuta u tissajjar ukoll f’forn li t-temperatura tiegħu tkun pjuttost għolja, f’dak il-każ totalment differenti mill-ħobż tal-Malti, hemm proċess partikolari għall-ftira nnifisha.”

L-istoriku Dr Noel Buttiġieġ kompla jgħid li l-ftira għandha storja twila li tmur lura għas-seklu 16. Huwa f’dan il-kuntest li qed tinġabar id-dokumentazzjoni biex il-ftira Maltija tidħol ma’ prodotti oħra bħal wirt intanġibbli. Qal li dan il-proċess mal-UNESCO ilu x-xhur li beda. Dr Buttigieg se jagħti taħdita fl-24 ta’ Jannar fil-Palazz tal-Inkwiżitur fil-Birgu dwar id-diversi aspetti storiċi, artiġjanali u kulinari tal-ftira Maltija.

Aħbarijiet Oħra
Politika

Il-Kap tal-Oppożizzjoni u tal-Partit Nazzjonalista, Adrian Delia, appella lill-Gvern biex jgħin bi kwalunkwe mod possibbli biex itaffi xi ftit mill-piżijiet finanzjarji meħtieġa biex jitmexxa s-santwarju tal-Arka ta’ Noe fil-Mellieħa fejn…

Politika

Il-Kummissarju għall-Istandards fil-Ħajja Pubblika, George Hyzler, ikkonkluda li stqarrija li l-Ministru għall-Ġustizzja, Owen Bonnici ħareġ, permezz tad-Dipartiment tal-Informazzjoni, ma kinitx tikser il-kodiċi ta’ etika. Il-Kummissarju Hyzler investiga ilment imressaq mill-Avukat…

Immigrazzjoni

Kelliem għall-Forzi Armati ta’ Malta qalet li l-Guardia Costiera Taljana m’għandhiex permess iddaħħal f’Malta 90 immigrant li ġew salvati dal-lejl. Il-Forzi Armati jisħqu li kienu qed isegwu s-sitwazzjoni tal-immigranti li…

Edukazzjoni

Il-Kummissarju għall-Edukazzjoni fl-Uffiċċju tal-Ombudsman, Charles Caruana Carabez, qal li se jinvestiga kemm hi kbira l-problema tan-nuqqas ta’ għalliema wara li fl-aħħar jiem uffiċjali fil-Ministeru għall-Edukazzjoni ndikaw li tista’ tinħareġ sejħa…

Aktar