Sport
X’jaħseb Christian Vieri dwar Cristiano Ronaldo?

Minn footballer professjonali għal DJ idur mad-dinja b’tours relatati mal-mużika. Dan mhu ħadd ħlief l-ex plejer internazzjonali Taljan, l-attakkant Christian Vieri. Huwa kien Malta għal ftit ħin fejn kien fost id-DJ’s li daqqew waqt l-avveniment mużikali għaż-żgħażagħ f’Ta’ Qali.

F’karriera ta’ ftit iktar minn 20 sena, Christian Vieri skorja mal-200 goal mal-klabbs li lagħab magħhom u 23 goal bil-flokk nazzjonali Taljan. Iltqajt ma’ Christian Vieri ftit qabel ħalla Malta wara li l-Ġimgħa filgħaxija offra spettaklu lil folla kbira, fosthom eluf ta’ żgħażagħ Taljani li ġew Malta fejn attendew għall-ġimgħa ta’ avvenimenti marbuta mal-festival Summer Daze f’Ta’ Qali. Ma’ TVM tkellem dwar il-karriera gdida tiegħu u l-familja.

“We have a nice show and now we are going to start to go around the world. I had a baby nine months ago, well my wife, I got married. Big things happening. My daughter Stella is the best thing that ever happened in my whole life”.

Vieri jibqa’ mfakkar bħala wieħed mill-aqwa plejers tal-futbol li l-karriera tiegħu ratu jibda mat-tim ta’ Torino, u lagħab fost oħrajn ma’ Juventus, Lazio, Milan, Inter, Atletico Madrid sakemm temm il-karriera kalċistika mal-Fiorentina 10 snin ilu.

“I had a lot of fun played with big teams, big tournaments, big cups so its a dream come true. But sooner or later you have to stop playing. I liked all my years I played and you know when you are a small kid your dream is to play in Serie A and the national team and when you achieve that you know its good for you, everything is positive”.

Ġimgħa bogħod mill-bidu tal-kampjonat Taljan, tkellimna ma’ Vieri dwar iċ-champions Juventus u l-isfidanti tagħhom.

“They are the strongest team, they have been winning for the past 7 – 8 years. They have Cristiano Ronaldo. They got some new players, new coach but you can’t win every year forever sooner or later they are going to loose one title. So I think, Inter, Napoli this year going to give Juventus a really hard time”.

Waqt li ħafna dilettanti tal-football Taljan qed jistennew dwell bejn l-attakkanti Cristiano Ronaldo ta’ Juventus u Romelu Lukaku li xtraw l-Inter mingħand Manchester United, għal Vieri, li fil-karriera tiegħu lagħab ma’ dawn iż-żewġ timijiet saħaq li l-unika kompetizzjoni fil-futbol hija biss bejn żewġ players partikolari.

“Its Messi and Ronaldo above everyone. They have scored 700 goals in the last 15 years. Its been them two. No one can compete against them two. They are just another level, another planet”.

Il-Ministru għat-Turiżmu Konrad Mizzi ltaqa’ ma’ Christian Vieri u tkellmu dwar kollaborazzjonijiet futuri li jistgħu jkomplu jpoġġu lil pajjiżna fuq quddiem fil-mappa tax-xena mużikali.

Aħbarijiet Oħra
Qorti

Żewġ nisa, li waslu Malta b’dgħajsa ma’ immigranti oħra s-sena l-oħra, spiċċaw il-ħabs minflok il-Ġermanja. Fil-Qorti, l-avukat tagħhom Martin Fenech, spjega li huma użaw dokumenti foloz biex ikunu jistgħu jibdew…

Partit Nazzjonalista

Waqt żjara fix-xelter tal-YMCA li għandu mat-30 resident, il-kap tal-Partit Nazzjonalista Adrian Delia qal li r-realtà tal-faqar f’Malta, qiegħda tiżdied minkejja t-tkabbir ekonomiku tal-pajjiż. Dr Delia qal li l-Gvern għandu…

Xogħol

Fit-tieni kwart tas-sena, bejn April u Ġunju li għadda, Malta kellha t-tielet l-ogħla rata ta’ sejħiet għal impjiegi fis-suq tax-xogħol. Skont ċifri tal-Eurostat, il-postijiet tax-xogħol li kienu qed ifittxu l-ħaddiema…

Aktar