Barranin
Xjentisti jemmnu li sabu kura għar-riħ

Xjentisti fl-Istati Uniti jemmnu li sabu kura għall-virus li jikkawża r-riħ u viruses oħra li jixbħuh u li jistgħu jikkawżaw paraliżi.

Għall-kuntrarju tal-perċezzjoni li teżisti, sal-lum ma teżistix kura għar-riħ, u l-mediċini jservu biex itaffu l-uġigħ u joqtlu l-mikrobi fejn ikun hemm infezzjoni.

Ħafna mill-viruses tar-riħ huma klassifikati bħala rhinoviruses, iżda minn dawn hemm 160 tipi differenti li spiss jibdlu l-forma biex jirreżistu l-mediċina jew jinħbew mis-sistema immunitarja tal-bniedem.

Il-kura li qed tiġi studjata ma tattakkax lill-virus direttament, iżda tittanta tibdel iċ-ċelloli tal-bniedem b’mod li l-virus ma jsibx ambjent addattat li jista’ jirriproduċi fih. Dan peress li l-virus jaħdem billi jikkontrolla ċ-ċelloli tal-bniedem u jużahom biex ikun jista’ jitkattar.

Riċerkaturi fl-universitajiet ta’ Stanford u Kalifornja identifikaw proteina partikolari fiċ-ċellola tal-bniedem, li meta tiġi mitfija, taffettwa b’mod qawwi l-produzzjoni tal-virus fil-bniedem.

L-istess riċerkaturi jsostnu li l-idea mhix li l-bnedmin jiġu modifikati ġenetikament, iżda li tinħoloq mediċina li twaqqaf il-proteina methyltransferase SETD3 b’mod temporanju bħala protezzjoni.

Aħbarijiet Oħra
Barranin

Is-sindku ta’ Seoul, Park Won-soon instab bla ħajja fuq il-muntanja Bukak fl-inħawi ta’ Seongbuk-gu, ftit ‘il bogħod mir-residenza tiegħu. Il-pulizija ma żvelawx biex miet iżda mhumiex qed jeskludu li dan…

Barranin

Se jiġi restawrat il-kampnar tal-Katidral tan-Notre Dame f’Pariġi, li kien inqered f’nirien li ħakmu l-binja f’April tas-sena l-oħra. Huwa se jkun restawrat skont id-disinn oriġinali Gotiku tiegħu. Din id-deċiżjoni tħabbret…

Barranin

Fl-Istati Uniti , il-Qorti Suprema ddeċidiet li l-assi finanzjarji tal-President Donald Trump jistgħu jkunu eżaminati iżda sostniet li f’każ ieħor l-informazzjoni ma tistax tingħata lill-Kungress. Trump ma jridx li jippubblika…

Barranin

Studju riċenti li sar fl-Italja, wieħed mill-pajjiżi madwar id-dinja li ntlaqat ħażin mill-Covid-19, sab li n-nisa tqal jistgħu jgħaddu l-virus lit-tarbija tagħhom fil-ġuf mis-sekonda. Il-Professur Claudio Fenizia, mill-Università ta’ Milan…

Aktar