Lokali
Xjenzati Maltin bi skoperta biex josservaw it-terremoti fl-ibħra b’mod eħfef

Tim internazzjonali ta’ xjenzjati, fosthom xjenzjati Maltin mill-Università ta’ Malta, għamlu skoperta li se twassal għal mod eħfef u irħas biex jiġu osservati t-terremoti fl-ibħra. Dan se jsir bl-użu ta’ lasers mal-fibre optic cables li diġà jezistu.

Sa llum xjenzjati jużaw ħafna apparat biex josservaw terremoti ftit sekondi wara li jkunu seħħew. Ħafna minn dan l-apparat jinsab fuq l-art, u mhux taħt il-baħar. Tim internazzjonali ta’ xjenzjati, fosthom xjenzjati Maltin mid-Dipartiment tal-Fiżika fl-Università ta’ Malta, ħabbru sejba li se twassal għal mod eħfef u irħas biex jiġu osservati t-terremoti f’qiegħ il-baħar.

Kif spjega Dr Andre’ Xuereb mid-Dipartiment tal-Fiżika fl-Università ta’ Malta, dan it-tim uża lasers biex josserva l-moviment mikroskopiku tad-dinja billi jkejjel l-effett tiegħu fuq il-fibre optic cables tal-Enemalta u l-Melita li jgħaqqdu lil Malta ma’ Sqallija.

Dr Andre’ Xuereb qal li “sibna mod ġdid kif niddetectjaw it-terremoti żgħar taħt il-baħar u bnadi oħrajn li bħalissa m’aħniex kapaċi niddetectjawhom. Nistgħu nagħmlu hekk mingħajr ma nibdlu l-infrastruttura li diġa teżisti tal-komunikazzjoni u fuqha kemm inżidu daqxejn apparat ‘l hemm u ‘hawn u f’daqqa waħda dan sar qisu microphone għad-dinja.”

Flimkien max-xjenzjati Maltin fuq din ir-ricerka ħadmu xjenzjati mill-Istituto Nazionale di Ricerca Metrologika fl-Italja, mil-Laboratorju Nazzjonali tal-Fiżika fl-Ingilterra u l-British Geological Society.

Dr Andre’ Xuereb qal li din l-iskoperta saret fil-kors ta’ riċerka ohra u inċidentalment għamlu din is-sejba.

“Aħna ma bdejniex nippruvaw naraw it-terremoti taħt il-baħar. Ħareġ bħala spunt u dak l-ispunt ħarġet teknoloġija ġdida minnu. U jekk nagħlqu l-bieb għar-riċerka bażika, ir-riskju huwa li dat-teknoloġiji ġodda ma nsibuhomx” qal Dr Xuereb.

Dan it-tim internazzjonali ta’ xjenzjati issa qed jaħdem biex javvanza u jisviluppa t-teknoloġija tiegħu u josserva terremoti iżgħar u iċekken l-apparat biex jintuża f’networks tat-telekomunikazzjoni madwar id-dinja.

Aħbarijiet Oħra
Politika

F’reazzjoni fil-Parlament, il-Kap tal-Oppożizzjoni Adrian Delia staqsa lill-Gvern jekk hux se jagħti spjega dwar il-kundanna li saret fir-rapport tal-Awditur Ġenerali dwar il-kuntratt tal-Vitals. Dr Delia qal li r-rapport hu ċertifiikat…

Politika

L-eks Ministru Konrad Mizzi appella lill-Gvern, lill-Ministeru tal-Ekonomija u lill-Malta Enterprise biex jippubblikaw il-memorandum of understanding li qed jirreferi għalih l-Awditur Ġenerali fir-rapport tiegħu. Huwa sostna li l-kabinett kien involut…

Ekonomija u Finanzi

Il-Kummissjoni Ewropea qed tbassar li din is-sena Malta se tkun l-inqas pajjiż fiż-żona ewro li se tkun affettwata mill-kriżi ekonomika kkawżata mill-pandemija. Il-Kummissjoni ħarġet it-tbassir għas-sajf għall-pajjiżi kollha tal-Unjoni Ewropea,…

Politika

L-Awditur Ġenerali Charles Deguara f”rapport kritiku għall-aħħar dwar il-kuntratt tal-Gvern mal-Vitals Global Healthcare għat-tmexxija tat-tliet sptarijiet jgħid, fost oħrajn, li sab evidenza li tindika azzjoni kollużiva bejn partijiet li aġixxew f’isem…

Aktar