Kurżitajiet, Lokali
X’kienu jagħmlu l-fratelli biex jgħinu x-xebbiet u l-iskjavi?

L-istorja tal-fratellanzi hija parti mil-wirt tal-knisja f’Malta u għalkemm il-fratellanzi m’għadhomx popolari daqskemm kienu, ser isir sforz biex l-istorja tagħhom tkun arkivata u ddokumentata. L-ewwel pass huwa ftehim li sar bejn l-Arkivji Nazzjonali, l-Arkivji tal-Knisja u l-fratellanzi tal-Karità u tal-Karmnu tal-Belt.

L-Arkivji Nazzjonali, l-Arkivji tal-Kurja u l-fratellanzi tal-Karità u tal-Karmnu tal-Belt, qablu li jidentifikaw proġetti għall-konservazzjoni u l-preservazzjoni tal-arkivji tal-istess fratellanzi.

Fl-iffirmar ta’ ftehim fil-prinċipju fl-Arkiviji Nazzjonali fir-Rabat, is-Segretarju Permanenti fil-Ministeru tal-Edukazzjoni Frank Fabri ħeġġeġ  aktar fratellanzi jersqu ‘l quddiem biex jingħataw għajnuna jippreservaw ir-rikezzi li għandhom u biex ix-xogħol li jagħmlu ikun magħruf aktar fost il-pubbliku.

L-Arkivista Nazzjonali Charles Farrguia spjega li b’dan il-ftehim, it-tim ta’ 30 speċjalista tal-Arkiviji Nazzjonali, se joffru s-servizzi tagħhom biex isir it-tindif, il-preservazzjoni u l-katalogar tal-arkivji tal-fratellanzi.

L-Arkivista responsabbli mill-arkiviji tal-Knisja f’Malta, Fr Nicholas Doublet spjega li l-fratellenzi kellhom funzjoni reliġjuża u soċjali u għandhom storja kbira tant li l-fratellanza tal-Karità twaqqfet fl-1610 u dik tal-Karmnu twaqqfet 12-il sena wara.

Fr Nicholas Doublet qal li “għandna rrakkontata minn ġurnata għall-oħra, minn sena għal oħra tul dawn l-aħħar ħames sekli l-istorja tal-poplu. L-importanza tagħhom hi sabiex aħna niktbu aħjar l-istorja tal-poplu tagħna imma storja miktuba mill-punto di vista tan-nies normali, nies komuni.”

Id-dokumenti tal-fratellanzi juru fost oħrajn kif kienu jgħinu xebbiet foqra biex ma jaqbdux t-triq tal-prostituzzjoni. Għan ieħor kien li jagħtu l-flus biex jeħilsu lill-iskjavi filwaqt li kull fratellenza kienet tistinka biex tkabbar id-devozzjoni reliġjuża.

 

Aħbarijiet Oħra
Kurżitajiet, Lokali

Mara anzjana dalgħodu nqabdet fuq filmat CCTV tisraq pjanta minn quddiem residenza privata fl-Imsida. Il-persuna li tellgħet il-filmat fuq il-midja soċjali qalet li l-mara kienet diġà għaddiet darb’ oħra mill-istess…

Kurżitajiet

Jekk għandek stonku nfurrat u ma tiddejjaqx minn palat differenti, aqbeż qabża f’dan is-supermarket f’Aachen il-Ġermanja fejn ix-xerrejja għandhom l-opportunità jduqu burger bid-dud. Dud b’livell għoli ta’ proteini magħmula minn…

Kurżitajiet

Fenomenu ġdid qed jaħkem il-belt Kolumbjana Itagui, fejn hemm midfun Pablo Escobar, l-akbar traffikant tad-droga tal-pajjiż. Fuq il-midja soċjali faqqgħet moda ġdida u perikoluża fejn, in-nies qed jerħulha lejn Itagui…

Barranin, Kurżitajiet

Beaux Tox huwa kelb tar-razza Labrador Retriever li jidher kemxejn differenti minn klieb oħra tal-istess razza tiegħu. Il-kelb twieled b’deformità f’wiċċu wara li tgħaffeġ f’ġuf ommu. Lil Beau Tox ħadd…

Aktar