Saħħa
X’organi lesti jagħtu l-Maltin?

Mill-2016 sal-lum sa kważi nofs April, kien hemm 19,639 persuna rreġistrati fir-Reġistru Nazzjonali tad-Donazzjoni tal-Organi u t-Tessuti Umani.

L-ikbar ammont ta’ persuni reġistrati għandhom bejn 26 u 40 sena li jammontaw għal 6,654, u warajhom dawk li għandhom bejn 41 u 60 sena li jammontaw għal 6,264 persuna oħra.

Dawk li għandhom bejn 16 u 25 sena jgħoddu t-3,889 persuna, filwaqt li bejn il-61 u t-80 sena jammontaw għal 2,728 ruħ.  Hemm 104 persuni li għandhom iktar minn 81 sena fuq ir-Reġistru.

Dan it-tagħrif ħareġ mid-Deputat Prim Ministru u Ministru tas-Saħħa Chris Fearne meta kien qed iwieġeb mistoqsija parlamentari tad-deputat Nazzjonalista Karol Aquilina.

Mill-istatistika mogħtija fil-Parlament jirriżulta li hemm iktar nisa milli rġiel fuq ir-Reġistru tad-Donaturi tal-Organi, li wrew ix-xewqa li jagħtu l-kliewi, il-fwied, il-musrana ż-żgħira, il-pulmun, il-frixa, il-qalb, il-cartilage, il-ligamenti, it-tessuti tal-għadam, il-kornea, il-valvi tal-qalb u t-tendons, kif jidher f’din it-tabella.

Organi/Tessuti li jistgħu jiġu mogħtija Donaturi Nisa Donaturi Irgiel
Kliewi 11,451 7,353
Fwied 11,442 7,139
Musrana iz-zghira 11,423 7,134
Pulmun 11,113 7,342
Frixa 11,610 7,135
Qalb 11,124 8,029
Cartilage 11,049 7,114
Ligamenti 11,197 7,188
Tessuti tal-Ghadam 11,055 7,117
Kornea 10,976 7,307
Heart Valves 11,098 7,132
Tendons 11,551 7,117

Fi tweġiba separata, Dr Fearne qal li kien hemm 7 persuni li rtiraw ir-reġistrazzjoni tagħhom u 6 oħra li ma jridux ikunu donaturi tal-organi.

 

Aħbarijiet Oħra
Kronaka

Raġel Għawdxi ttieħed l-isptar għall-kura wara li kien involut f’inċident fil-lift taċ-ċinema fir-Rabat Għawdex. Minn informazzjoni li għandu s’issa tvm.com.mt jidher li r-raġel kien qed jagħmel xi xogħol ta’ manutenzjoni…

Kronaka

Mara ta’ 80 sena li tgħix il-Gżira weġġgħet gravi wara li ntlaqtet minn karozza fil-Gżira stess. Il-Pulizija kienet infurmata bl-inċident fi Triq San Albert għall-ħabta tad-9.20am. Il-Pulizija tad-Distrett marru minnufih…

COVID-19

Għas-sitt jum infila, l-awtoritajiet tas-saħħa rrappurtaw li ma sabu l-ebda każ ġdid ta’ COVID-19. Irrapportaw ukoll li kien hemm persuna waħda li fieqet u b’hekk telgħu għal 661 l-ammont ta’…

Kronaka

Mara ta’ 42 sena residenti l-Imqabba, sofriet ġrieħi gravi wara inċident tat-traffiku  dalgħodu fl-Imqabba. L-inċident seħħ għall-ħabat tad-9.10 a.m. fi Triq Ħal Farruġ. Minn stħarriġ preliminari tal-pulizija, jirriżulta li l-mara…

Aktar