Barranin
X’pariri tat dwar il-ħajja miżżewġa Michelle Obama lil Meghan Markle?

Wara li qattgħet 8 snin tgħix fil-White House, tista’ tgħid li ħadd mhu aħjar minn Michelle Obama biex tagħti pariri ta’ kif iżżomm relazzjoni b’saħħitha fix-xena pubblika.

Wara 7 xhur, id-Dukessa ta’ Sussex, Meghan Markle tidher li addattat tajjeb għal istil ta’ ħajja ġdid. Madankollu li jkollok żwieġ famuż jaf ikollu t-taqlib tiegħu. Għalhekk Michelle Obama tat xi pariri mill-esperjenza tagħha dwar kif taddatta u tgħix bil-pressjoni li ġġib magħha dil-ħajja.

Nistgħu ngħidu li hemm xi ħaġa komuni bejn Michelle u Meghan, dik li t-tnejn li huma qatt ma bassru li ħajjithom se tinqaleb b’dan il-mod. Michelle qalet li l-pressjoni li tħoss f’din il-ħajja kemm minnek kif ukoll minn dawk ta’ madwarek mhux dejjem faċli li tgħixha u ġġorha miegħek. Għaldaqstant Michelle ssuġġerrit lil Meghan biex tieħu l-ħin tagħha u ma tferfix u ma tgħaġġilx biex tagħmel xi ħaġa.

Suġġeriment ieħor hu li tagħmel proġetti li tħobb u li vera għandha passjoni għalihom. Fil-bidu tal-ħajja pubblika tagħha, Michelle kienet nediet kampanja biex tinkoraġġixxi lit-tfal ikunu aktar attivi u biex jegħlbu l-obeżità.

Michelle qalet li fl-irwol li għandha Meghan tista’ tħalli impatti pożittivi fuq in-nies u għalhekk ħeġġitha biex tagħmel kampanji simili iżda li jkunu jolqtuha. Dan bil-għan biex b’ġebla waħda tolqot żewġ għasafar, tħeġġeġ lin-nies permezz ta’ dik l-inizjattiva u tkun kuntenta hi għax qed tagħmel xi ħaġa li tħobb.

Ix-xahar li għadda Meghan għenet fit-tisjir flimkien ma’ Hubb Community Kitchen, f’Londra, liema entità nediet il-ktieb b’riċetti għall-karità.
Aħbarijiet Oħra
Barranin

Ftit sekondi nħassu ħafna itwal meta l-bieba tal-karozza tal-Prim Ministru Ingliż ma riditx tinfetaħ. Theresa May kienet għadha kemm waslet għal-laqgħa mal-Kanċillier tal-Ġermanja Angela Merkel, li magħha kellha tiddiskuti l-possibililtà…

Dieta

Jekk tintiżen regolament id-dar u toqgħod attent x’tiekol tista’ tevita milli teħxien f’dawn iż-żminijiet tal-festi tal-Milied. Studju ġdid mill-Universitajiet ta’ Birmingham u Loughborough qasmu lill-voluntiera f’żewġ gruppi biex janalizzaw x’jiġri…

Barranin

Wara żmien twil ta’ preparamenti, immaġina tqum fil-jum tat-tieġ tiegħek, u ssib email mingħand il-kumpanija tal-catering tgħarrfek li mhux se tipprovdilek l-ikel, għax sid il-kumpanija u ibnu mietu f’inċident ikrah….

Kurżitajiet

Żewġ sorijiet tas-skola Kattolika f’Kalifornja ammettew li serqu mal-$500,000 biex jilagħbuhom f’Las Vegas. Suor Mary Kreuper u Suor Lana Chang serqu l-flus minn St James’ Catholic School f’Torrance, belt viċin…

Aktar