Politika
X’qal Dr Abela fl-ewwel kumment tiegħu bħala Prim Ministru?

Wara li ħa l-ġurament tal-ħatra, il-Prim Ministru Robert Abela qal li lest li jservi lill-poplu Malti u Għawdxi.

“Lest li naħdem ħafna biex inkompli ntejjeb il-kwalità tal-ħajja tal-Maltin u tal-Għawdxin kollha u lest biex inservi. X’se jkunu l-ewwel deċiżjonijiet tiegħek? Dawk inħabbarhom aktar ‘il quddiem.”

Mistoqsi jekk il-kabinett tal-Ministri hux se jkun differenti mill-ewwel parti tal-leġiżlatura, il-Prim Ministru qal li din hija deċiżjoni li se jħabbar aktar ‘il quddiem. Dwar jekk hux jistenna r-riżenja ta’ Chris Fearne minn Deputat Prim Ministru, Dr Abela wieġeb li assolutament li le u qal li dejjem iddikjara li se jkun lest li jaħdem ma’ Dr Fearne.

“Jien ma’ Chris qed inżomm kuntatt b’mod regolari, awgurali, tkellimt miegħu u assolutament m’hemm l-ebda diffikultà jew problema bejnietna.”

Dr Abela qal li llum stess se jiltaqa’ ma’ Chris Fearne.

Fl-istess ħin li l-Prim Ministru kien qed jagħti dawn il-kummenti fil-Palazz, Chris Fearne daħal fil-Berġa ta’ Kastilja fejn aktar tard ingħaqad f’laqgħa tal-grupp parlamentari mal-Prim Ministru l-ġdid.

Aħbarijiet Oħra
Lokali

Aktar ma jmur, aktar il-finali ta’ ‘X Factor Malta’ qed toqrob. It-tielet Live Show jinsab magħna, hekk kif illejla ‘X Factor Malta’ jissokta b’appuntament ieħor ferm mistenni mill-pubbliku Malti u…

Sport

L-MFA qed tinvestiga kif f’partita tal-F.A Trophy, it-tim tax-Xewkija Tigers, li suppost kien qed jilgħab b’għaxar plejers għaliex kellu wieħed imkeċċi, spiċċa l-partita bi ħdax-il plejer. Pietà marru fil-vantaġġ wara…

Qorti

Zeiad Mohamed Abuzoda ġie akkużat li s-Sibt ikkaġuna ħsara u hedded numru ta’ persuni f’San Pawl il-Baħar. Il-Libjan ta’ 40 sena u li joqgħod San Pawl il-Baħar tressaq il-Qorti quddiem…

Saħħa

Ċittadini Maltin li jagħtu l-kunsens biex it-tagħrif mediku tagħhom ikun aċċessibbli minn sptarijiet f’pajjiżi tal-Unjoni Ewropea, jistgħu jkunu mgħejuna b’aktar effiċjenza f’każ t’emerġenza waqt li jkunu msefrin. Malta hija fost…

Aktar