Televiżjoni u Radju
X’se jagħmlu flimkien Dorian u Amber min-nhar it-Tnejn?

Dorian u Amber ingħaqdu biex jibdew esperjenza ġdida fuq Magic Malta.  Iż-żewġ preżentaturi se jibdew programm ġdid wara nofsinhar li huwa mmirat għal min iħobb jisma’ mużika varjata, b’xi battuta bejn Dorian u Amber ma tonqosx.

Il-programm bl-isem ta’ Ride Home with Dorian & Amber se jibda jixxandar min-nhar it-Tnejn li ġej fuq Magic Malta.  Dorian u Amber se jkunu qed jippreżentaw dan il-programm ġdid mit-Tnejn sal-Ġimgħa bejn it-3pm u s-6pm, tliet siegħat li mistennija jkunu divertenti u rilassanti fl-istess ħin.

F’kummenti ma’ TVM, Amber qalet li din hija esperjenza kompletamet ġdida għaliha.  Sostniet li qatt ma ħasbet li xi darba se tkun qed tippreżenta programm fuq ir-radju.   Hija tinsab ħerqana għal dan il-programm li fih hi u Dorian ser ikunu qed idoqqu mużika tajba minn kull żmien, kif ukoll ser ikollhom iktar kuntatt mas-semmiegħa, b’diversi diskussjonijiet, kompetizzjonijiet u bosta affarijiet li se jkunu qed jiġru fl-istudjo.

Min-naħa tiegħu, Dorian, li issa ilu jippreżenta ma’ Magic Malta għal diversi snin fil-ħin ta’ bejn l-10am u s-1pm, se jibddel ir-rutina biex minflok jibda jkun fuq ir-radju wara nofsinhar.  Iddeskriva din bħala avventura ġdida għalih u jħossu vera eċċitat li se jkun ma’ Amber fi programm ġdid tar-radju.   Huwa persważ li ma’ Amber se jkun ta’ kumpanija tajba għal min isegwihom, apparti l-ħafna mużika tajba li joffri Magic Malta!

Aħbarijiet Oħra
Lokali

Il-Kummissjoni Elettorali fi stqarrija qalet li b’effett immedjat, il-votanti li ntilfilhom, tqattgħalhom jew ġratilhom ħsara sostanzjali fid-dokument għall-votazzjoni wara li rċevewh jistgħu japplikaw għal dokument għall-votazzjoni speċjali. Dan japplika wkoll…

Qorti

Alessio Minelli, Taljan ta’ 27 sena, instab ħati li agredixxa u weġġa’ gravi lil Ryan Sacco, pulizija li dak il-ħin kien ‘off-duty’. Il-każ seħħ fis-sigħat bikrin tas-6 ta’ Lulju 2017…

Kurżitajiet

Fl-istadium ta’ Ramón Sánchez Pizjuán f’Sevilla, tfaċċat il-bandiera Maltija fost il-partitarji li marru jsegwu logħba football tas-Sevilla kontra r-Rayo Vallecano. Jidher li fost il-partitjari, kien hemm Malti kburi b’pajjiżu u…

Edukazzjoni

Sittin tifel u tifla mill-iskejjel primarji tal-istat ta’ Malta u Għawdex ħadu sehem f’attività tal-Brillantini tal-Kitba li l-Aġenzija Nazzjonali tal-Litteriżmu organizzat f’Ruma. Permezz tal-iskema ‘Brillantini tal-Kitba’, tfal ta’ disa’ snin,…

Aktar