Barranin
Xtara vettura rkantata mill-Pulizija fit-Tajlandja u baqa’ skantat b’li sab fiha

Raġel li xtara vettura minn irkant tal-Pulizija fit-Tajlandja baqa’ skantat b’dak li sab fiha meta mar biex idurha.

Ir-raġel ħa l-Honda CR-V għand tellar biex jirranġalu xi grif u għafsiet li kellu fuq in-naħa ta’ wara, iżda meta dan neħħa l-bumper sab spazju moħbi li kien mimli droga.

Il-vettura swietu madwar €17,200, u l-Pulizija kienet tefgħetha għall-bejgħ wara li ġiet ikkonfiskata f’każ ta’ droga s-sena li għaddiet.

B’kollox instabu 94,000 pillola tat-tip ‘yaba’ moħbija fil-bumper. Din id-droga hija taħlita ta’ methamphetamine u kaffeina.

Il-kap tad-dipartiment tal-Pulizija fit-taqsima ta’ kontra d-droga talab apoloġija, u sostna li fil-futur il-Pulizija se tagħmel tiftix aħjar.