Kurżitajiet
X’tista’ tagħmel biex tgħix aħjar?

Jekk bi ħsiebek tieħu ħsieb iktar ta’ saħħtek fis-sena l-ġdida ara li tagħmel ftit yoga, tnaqqas il-karboidrati u tillimita l-istress.  Dawn nafuhom u kemm-il darba rajna l-benefiċċji tagħhom.

Iżda li kieku kellek tagħmel bidla waħda biss fl-istil tal-ħajja li tgħix, kieku liema tkun?  Dawn huma ftit pariri li tista’ tikkunsidra li tibda ddaħħal fir-rutina tiegħek ta’ kuljum.

Kun iktar iffukat – esperti huma tal-fehma li l-aħjar huwa li tara kif moħħok ikun iffukat fuq l-affarijiet li tkun qed tagħmel.  Hawn diversi modi kif ittejjeb il-mod kif jiffunzjona moħħok bħal per eżempju billi toqgħod timmedita.

Adotta kelb – biex issir iktar attiv normalment taħseb biex tmur il-gym jew tibda tiġri, iżda jekk trid tkun kommess li tiċċaqlaq ftit kuljum tajjeb li tikkunsidra trabbi kelb.  Dan għax tkun trid toħorġu darbtejn kuljum għal mixja, fost benefiċċji oħrajn.

Kul 30 porzjon frott jew ħaxix fil-ġimgħa – mhux il-kwantità ta’ frott u ħaxix hija importanti imma d-diversità fl-ikel.  Iktar ma jkun varjat l-ikel iktar hemm ċans li tgħix iktar b’saħħtek għax tkun qed tiekol in-nutrijenti kollha li għandek bżonn.

Tbissem ta’ spiss – wara l-istaġun tal-festi, fejn forsi kilt xi ftit iżżejjed, tajjeb tibda taħseb kif se tonqos fil-piż.  Iżda ara li tkun kuntent biex dak li tagħmel tagħmlu bil-qalb sabiex tkun tista’ tilħaq l-objettivi li trid tilħaq.

U fl-aħħarnett ara li torqod biżżejjed – huwa rrakkomandat li torqod bejn 7 u 9 siegħat kuljum għax inkella ma tkunx f’sikktek.  Evita li tixrob il-kafè qabel torqod u ipprova tużax tagħmir elettroniku bħal smartphones u laptops qabel ma tidħol fis-sodda.

Aħbarijiet Oħra
Saħħa

Id-Deputat Prim Ministru u Ministru għas-Saħħa Chris Fearne inawgura s-Sala San Ġorġ Preca, waħda mill-ewwel swali li ġiet irranġata bħala parti mill-istrateġija ta’ għaxar snin għas-saħħa mentali. Minn għada din…

Lokali

Id-Dwana fl-Ajruport Internazzjonali ta’ Malta waqfet passiġġier li kellu fuqu €34,220 fi flus kontanti mhux iddikjarati. Il-passiġġier kien sejjer l-Amman. Meta kien mistoqsi minn uffiċjal tad-Dwana dwar kemm kellu flus,…

Lokali

Studenti u żgħażagħ Għawdxin ta’ bejn is-16 u l-20 sena jistgħu jerġgħu japplikaw għall-iskema ‘work trial scheme for youths’ li permezz tagħha jgawdu minn ħlas ta’ €85 fil-ġimgħa għal total…

Qorti

Raġel ta’ 28 sena mix-Xagħra tressaq il-Qorti akkużat li f’diversi ġranet bejn il-15 u s-17 ta’ Ġunju 2019, f’diversi postijiet ġewwa l-gżira t’Għawdex, hedded, żamm persuna kontra l-volontà tagħha, u kiser…

Aktar