Kronaka
Xufier fil-periklu tal-mewt wara li baqa’ dieħel f’arblu tad-dawl f’inċident li fih weġġħet ukoll il-passiġġiera

Raġel mill-Pakistan ta’ 38 sena jinsab fil-periklu tal-mewt wara li tilef il-kontroll tal-vettura li kien qiegħed isuq, tat-tip Volkswagen Golf, u baqa’ dieħel ġo arblu tad-dawl. Fil-vettura miegħu kien hemm tfajla Mawritanja ta’ 28 sena.

L-inċident seħħ kmieni dalgħodu, għall-ħabta tas-1.30am fi Triq Sant’Andrija, San Ġiljan.  Il-Pulizija tad-distrett marru immedjatament fuq il-post, kif ukoll tim mediku sabiex jassisti lill-vittmi.

Huma ttieħdu minnufih l-Isptar Mater Dei sabiex jingħataw il-kura meħtieġa. Aktar tard, ir-raġel ġie ċċertifikat li qiegħed isofri minn ġrieħi serji filwaqt li l-mara ġiet iċċertifikata li qiegħda ssofri minn ġrieħi ta’ natura gravi.

Bil-każ ġiet infurmata l-Maġistrat tal-Għassa Dr M. Farruġia LLD li ordnat li ssir inkjesta u ħatret diversi esperti sabiex jassistuha.

Aħbarijiet Oħra
Lokali

Ċifri tal-Uffiċċu Nazzjonali tal-Istatistika juru li sal-aħħar tas-sena li għaddiet, id-dejn tal-Gvern kien kważi €5,665 miljun  jew €18-il miljun inqas milli kien fl-aħħar tal-2017. L-NSO qal li r-rata tad-dejn meta…

Kronaka

Fuq il-mezzi soċjali qed idur filmat ta’ raġel li allegatament prova jisraq fir-Rabat. Kelliem għall-Pulizija kkonferma ma’ TVM li daħlilhom rapport u li l-Pulizija qed tinvestiga każ ta’ raġel li…

Elezzjoni

Il-Mexxej tal-Partit Demokratiku Godfrey Farrugia qal li wara li jitħabbru r-riżultati tal-Kunsilli Lokali, l-Eżekuttiv tal-Partit, inkluż hu, jirriżenjaw. Ma’ TVM Godfrey Farrugia qal li wara li jsiru r-riżenji jitwaqqaf steering committee li…

Kronaka

Ħaddiem weġġa’ gravi wara li waqa’ żewġ sulari f’sit ta’ kosruzzjoni. L-inċident seħħ għall-ħabta tal-10.30am fi Triq il-Ħaddiem, il-Marsa. Il-Pulizija tad-Distrett marru minnufih fuq il-post fejn minn stħarriġ preliminari li…

Aktar