Barranin
YouTube jiżloq fin-niexef u jqabbel in-nirien ta’ Notre Dame mal-attakk terroristiku ta’ 9/11

Il-pjattaforma YouTube żelqet fin-niexef hekk kif qabblet dak li ġara lbieraħ f’Pariġi mal-attakk terroristiku ta’ 9/11 fl-Istati Uniti.

Jidher li fi sforz li sar ftit xhur ilu biex tikkumbatti l-aħbarijiet foloz u informazzjoni mhux korretta, il-pjattaforma spiċċat biex qabblet in-nirien li ħakmu l-Katedral Pariġin mal-attakk terroristiku li qerdu t-Twin Towers.

Il-kumpanija skużat ruħha u waħħlet fl-algoritmi tas-sit u rat kif għamlet biex temenda l-iżball.

Ilbieraħ filgħaxija, il-Katedral Notre Dame, li huwa meqjus mill-UNESCO bħala wirt dinji nbela’ min-nirien. Dwar il-każ għaddejja investigazzjoni iżda l-esperti jemmnu li l-inċident hu marbut max-xogħlijiet ta’ restawr li kienu qed isirulu.