Barranin
YouTube jqatta’ l-karti ma’ vlogger li ġibed filmat ta’ raġel mgħallaq

YouTube qatta’ l-karti ma’ Logan Paul wara li xerred filmat ta’ raġel mgħallaq ġo foresta Aokigahara fl-Ġappun.

Il-vlogger Logan Paul huwa segwit minn ħafna adolexxenti u żgħażagħ u l-filmat li xerred qajjem għagħa kbira.

Il-foresta li żar Logan hija magħrufa għal għadd ta’ nies li jmorru hemm biex itemmu ħajjithom b’idejhom.

Min-naħa tiegħu l-YouTube ddeċieda li jneħħi l-kont ta’ Logan Paul mill-Programm Google Preferred – sistema li tgħarraf lill-kumpaniji li jixtiequ jbigħu r-riklami tagħhom fil-filmati li l-aktar li jimxu. YouTube qal li se jwaqqaf il-proġetti li beda miegħu.

Il-filmat li xerred fl-aħħar tas-sena, 31 ta’ Diċembru, kien ġie kritikat ħafna minħabba li fil-filmat hu flimkien ma’ nies oħra bdew jiċċajtaw ħdejn il-katavru, liema aġir wera diżrispett lejn il-mejjet.

Logan Paul, li għandu mal-15-il miljun segwaċi, maġġoranza tfal, skuża ruħu u qal li ħa l-filmat biex iqajjem aktar għarfien dwar is-suwiċidju.  Min-naħa tiegħu Logan Paul qal li għalissa mhux se jiġbed u jxerred aktar filmati.

Aħbarijiet Oħra
Barranin

Fl-Italja, l-ex għarus tal-mudella Gessica Notaro ntbagħat 15-il sena ħabs wara li l-qorti tal-appell sabitu ħati li tefa’ l-aċtu fuq wiċċha. Edson Tavares nstab ħati li għamel dak l-attakk li…

Brexit

Il-Prim Ministru Ingliża Theresa May qed tkompli timbotta l-ftehim għal Brexit hekk kif għal diversi sigħat kien hemm ix-xnieha li minħabba l-ftehim Ministru ieħor fil-kabinett tagħha, Michael Gove kien qed…

Stejjer Umani

Ġuvni Ingliż ta’ 22 sena jippreferi li joqgħod lura u ma jbus lil ħadd għax jibża li jista’ jmut. Oli Weatherall li huwa minn Surrey ilu mindu kien tifel allerġiku…

Barranin

600 persuna għadhom neqsin wara li n-nirien qerdu villaġġ fit-Tramuntana ta’ Kalifornja. In-nirien ħasdu l-ħajja ta’ 63 persuna u qerdu mat-12,000 binja. L-awtoritajiet qalu n-nirien tkebbsu u nxterdu ħafna anke kawża…

Aktar