Lokali
AĠĠORNAT: Il-Bulgaru jinħeles b’police bail – l-awtopsja ma turix li kien hemm sinjali ta’ vjolenza fuq Meli

Il-Bulgaru Denis Davkov jinħeles b’police bail hekk kif il-Pulizija għadhom għaddejjin bl-investigazzjonijiet dwar il-każ ta’ Zack Meli, li miet ilbieraħ kmieni filgħodu f’Paceville.  Davkov kien arrestat ilbieraħ dwar il-mewt ta’ Meli.  Il-Bulgaru, li għandu 19-il sena u jgħix Tas-Sliema, allegatament ta daqqa ta’ ponn lil Meli wara li argument li nqala’ bejniethom.

TVM huwa infurmat li qabel seħħ l-inċident bejn il-Bulgaru u l-Malti, filmati juru li Zack Meli ma kienx f’sikktu u deher anke jogħtor.  Iktar kmieni, dan is-sit żvela kif l-awtopsja fuq il-kadavru ta’ Zack Meli, iż-żagħżugħ ta’ 24 sena mis-Swieqi, li miet il-Ħadd filgħodu, sabet li ma kienx hemm sinjali ta’ vjolenza fuqu.

TVM jinsab infurmat li se jsiru aktar testijiet speċjalizzati, inkluż dawk tossikoloġiċi, biex tkun magħrufa eżatt il-kawża tal-mewt tiegħu.  Għalissa l-kadavru ta’ Meli ma jistax jiġi rilaxxat għad-difna.

Ara wkoll:

Oħt Zack tgħid li se tibqa’ tiġġieled sal-aħħar biex issir ġustizzja miegħu

Denis Davkov iż-żagħżugħ arrestat b’rabta mal-qtil ta’ Zack Meli

Zack Meli ż-żagħżugħ li nqatel b’daqqa ta’ponn

 

 

Aħbarijiet Oħra
Storja

Heritage Malta qed tistieden lill-pubbliku u lill-veterani tal-flotta rjali Ingliża biex il-Ġimgħa li ġej jattendu għall-attività msejħa ‘memory box’ fl-istess forti li l-Ingliżi kienu iqisuh daqs li kien bastiment fil-Port…

Lokali

Is-servizz tat-Telecare reġa’ qed jopera wara li aktar kmieni kien sospiż. Fi stqarrija, is-Segretarjat Parlamentari għal Persuni b’Diżabilità u Anzjanità Attiva flimkien mad-Dipartiment tal-Anzjanità Attiva u Kura fil-Komunità rringrazzjaw lill-operatur tal-impenn…

Saħħa

Intlaħaq ftehim bejn Steward Healthcare u l-MUMN dwar id-Dipartiment tal-Fiżjoterapija fl-Isptar San Luqa. Fi stqarrija maħruġa mill-Ministeru għas-Saħħa ntqal li wara intervent mid-Deputat Prim Ministru u l-Ministru għas-Saħħa Chris Fearne, saret…

Aktar