Żewġ ajruplani jaħbtu fl-ajruport ta’ Malta – ħadd midrub

Il-Bureau Malti għall-investigazzjonijiet tal-inċidenti tal-ajru qed jinvestiga inċident bejn żewġ ajruplani tal-passiġġieri Boeing wieħed tar-Ryanair u ieħor tat-Turkish Airlines li seħħ ilbieraħ filgħaxija għal ħabta tad-disgħa fl-Ajruport Internazzjonali ta’ Malta.

Fi stqarrija, il-MIA qalet li minn stħarriġ preliminari jirriżulta li seħħ impatt bejn il-ġewnaħ tal-ajruplan tar-Ryanair li kien għadu kif wasal Malta minn Bari l-Italja u parti minn denb l-ajruplan tat-Turkish Airlines li kien qed jistenna f’Taxiway Delta biex itir lejn Istanbul. Fuq il-post marru minnufih is-servizzi ta’ emerġenza u rrappurtaw li ħadd ma kien weġġa’.

Il-MIA qalet li riżultat tal-impatt, iż-żewġ ajruplani ġarbu ħsarat żgħar u minnufih bdiet ħidma ta’ manutenzjoni fuqhom biex jerġgħu jibdew itiru.

Minħabba dan l-inċident, it-titjira tar-Ryanair lejn Bari li kellha titlaq fid-21:30 telqet fil-23:15 permezz ta’ ajruplan ieħor tar-Ryanair. Sa dalgħodu, it-titjira tat-Turkish Airlines lejn Istanbul kienet għadha ma telqitx għalkemm il-linja tal-ajru Torka kellha titjira oħra skedata dalgħodu b’ajruplan ieħor li nifmhu li ha wkoll il-passiġġieri li kienu bbukkjati fuq it-tirjira tal-bieraħ filgħaxija.

 

Aħbarijiet Oħra
Lokali

Ilbieraħ, il-President George Vella ħalla Malta għall-Polonja biex ikun jista’ jattendi għall-kommemorazzjoni ta’ meta l-kamp tal-konċentrament ta’ Auschwitz-Birkenau nħeles minn taħt in-Nażisti. Dan hekk kif illum jaħbat il-75 sena mindu seħħ…

Kronaka

Raġel jinsab bi ġrieħi gravi wara argument fiż-Żebbuġ, Għawdex. L-inċident seħħ ilbieraħ għall-ħabta ta’ 23:50hrs fi Triq il-Port, fiż-Żebbuġ. L-argument seħħ bejn żewġ persuni; raġel barrani ta’ 39 sena residenti Ħaż…

Immigrazzjoni

Il-Forzi Armati ta’ Malta salvaw 47 immigrant li sabu ruħhom f’diffikultà. Fi stqarrija ntqal li l-operazzjoni ta’ salvtaġġ seħħet ilbieraħ filgħodu bl-immigranti ddaħħlu Malta abbord lanċa tal-Forzi Armati, f’Xatt it-Tiben…

Aktar