Żewġ kuġini akkużati li ttraffikaw id-droga kannabis

Żewġ kuġini ingħataw il-libertà proviżorja wara li wieġbu li mhumiex ħatja li ttraffikaw kilogramm ta’ ħaxixa tal-kannabis.

Malcolm Brincat ta’ 22 sena minn Birkirkara ingħata l-libertà proviżorja fuq depożitu ta’ €5,000 u garanzija personali ta’ €10,000 filwaqt li kuġinuh Kenneth Brincat ta’ 27 sena minn Ħ’Attard ingħata l-libertà proviżorja fuq depożitu ta’ €8,000 u garanzija personali ta’ €12,000.

Il-kuġini kienu akkużati wkoll b’pussess ta’ ammonti żgħar ta’ droga kokaina u drogi oħra fosthom ecstasy bl-intenzjoni li jitraffikawhom.

Il-Pulizija qalet li d-drogi nstabu fil-karozza ta’ Kenneth Brincat u fil-garaxx li jintuża miż-żewġ akkużati.

L-ewwel li kien arrestat kien Malcolm Brincat li wassal lill-pulizija biex jarrestaw ukoll lil kuġinuh.

Ara wkoll: Żewġ żgħażagħ arrestati fuq traffikar ta’ droga f’Birkirkara

Aħbarijiet Oħra
Annimali

F’park tal-annimali fl-Imtaħleb is-sidien Christopher Borg u Oksana qisha twieldet tarbija ġdida fil-park, din id-darba l-ewwel ferħ tal-koppja orsijiet Yoggi u Paddy. Yoggi li hija l-ors femminili u Paddy li…

Knisja Maltija

L-Arċisqof Charles J Scicluna qal li Malta għandha bżonn is-solidarjetà ta’ kulħadd. L-isqfijiet Maltin qed jattendu konferenza f’Bari dwar l-immigrazzjoni u l-paċi fil-mediterran. F’intervista qabel il-konferenza, l-Arċisqof Scicluna qal li…

Unjoni Ewropea

Il-ħruġ tar-Renju Unit mill-Unjoni Ewropea se jfisser mas-sittin biljun ewro inqas fil-Budget li jmiss tal-Unjoni Ewropea li jkopri s-seba’ snin li ġejjin. Il-President tal-Kunsill Ewropew, Charles Michel qed jipproponi li…

Politika

Il-Partit Nazzjonalista permezz tal-kelliem tiegħu Edwin Vassallo wera tħassib li fi kliemu għexieren ta’ bdiewa se jiġu żgumbrati mill-għelieqi tagħhom biex issir estensjoni tal-miżbla fil-Magħtab. Huwa qal dan wara l-avviż…

Aktar