Lokali
AĠĠORNAT (1): Żewġ muturi jiskiddjaw fi Triq il-Kosta, sewwieq ferut gravi

Sewwieq ta’ mutur sofra ġrieħi gravi wara inċident fi Triq il-Kosta għall-ħabta tas-2.30 ta’ waranofsinhar.

Għadd sostanzjali ta’ muturi kienu qed isuqu fid-direzzjoni ta’ San Ġiljan, meta tnejn minnhom skiddjaw fuq diesel li kien għadu kemm ħareġ minn Jeep.

Is-sewwieq tal-Yamaha, raġel ta’ 53 sena mill-Gudja weġġa’ ħafif, iżda s-sewwieq tal-Kawasaki, raġel ta’ 59 sena minn Ħaż-Żabbar, kellu jittieħed l-isptar Mater Dei b’ambulanza, fejn iktar tard kien iċċertifikat li sofra ġrieħi gravi.

Minbarra l-Pulizija, fuq il-post marru wkoll membri tal-Protezzjoni Ċivili biex jitfgħu t-trab fuq il-fjuwil.

Intant, madwar kwarta wara, seħħ inċident ieħor bil-mutur, din id-darba fl-Ibraġġ. F’dan l-inċident fi Triq Sant Andrija seħħet ħabta bejn mutur u karozza. Is-sewwieq tal-mutur sofra ġrieħi ħfief.

Aħbarijiet Oħra
Avjazzjoni

L-Air Malta ħatret bord ta’ inkjesta biex jinvestiga kumment allegatament miktub minn pilota tal-Air Malta fuq Facebook dwar ħsara teknika fuq ajruplan. TVM hu infurmat li l-ħaddiem ġie sospiż sakemm isiru…

Qorti

Michael Claude Nussbaum ammetta li kien qed iġorr arma tan-nar u munizzjon mingħajr liċenzja. Huwa ġie arrestat fl-Ajruport wara li nqabad b’pistola fil-bagalja tiegħu qabel ma qabad it-titjira lejn Franza….

Qorti

Amerikan u Messikan li ġew Malta biex jattendu għal tieġ ta’ seħibhom tilfu l-festin wara li ġew arrestati f’San Ġiljan. Eric Arata u Fernandez ġew akkużati li kisru l-paċi pubblika…

Aktar