Barranin
Żewġ nisa fl-Italja arrestati wara li ħolqu materjal pornografiku b’uliedhom

Żewġ nisa fl-Italja ġew arrestati fuq akkużi li abbużaw sesswalment minn uliedhom ta’ 10 snin u ħolqu materjal pornografiku bihom.

Il-vittmi huma żewġt ibniet ta’ 10 snin, li qed ikun irrappurtat li ġew abbużati sa minn età żgħira. Waħda mill-ommijiet tgħix f’Terni, u l-oħra f’Reggio Emilia.

Jidher li n-nisa kienu jibgħatu l-materjal pornografiku bit-tfal lil raġel fuq Whatsapp.

Ir-raġel, li huwa missier waħda mill-bniet, jgħix f’Toscana, u jinsab f’relazzjoni ma’ omm bintu. Huwa wkoll ġie arrestat u akkużat b’pornografija tat-tfal.

Minbarra b’abbuż sesswali u porografija tat-tfal, waħda min-nisa qed tiġi akkużata wkoll li abbużat mir-rwol tagħha bħala omm.