Barranin
Żewġ persuni jlaqqtu l-Pesta fiċ-Ċina

Fiċ-Ċina, żewġ persuni laqqtu l-marda antika tal-pesta u qed jieħdu l-kura fi sptar f’Beijing.

Din hija t-tieni darba li l-marda faqqset fir-reġjun tal-Mongolja hekk kif f’Mejju li għadda, koppja mietet mill-marda wara li kielet xi laħam nej.

L-awtoritajiet ikkonċernati għaddejjin b’ħidma qawwija fuq miżuri ta’ kontroll u prevenzjoni biex jilqa’ għall-possibbiltà ta’ epidemija.

Il-pesta tinxtered bis-saħħa ta’ mikrobu li jinġarr mill-baqq jew annimali infettati u timmanifesta ruħha f’tliet forom.
Il-marda jaf taffettwa lill-bniedem fis-sistema immunitorja, jaf timmanifesta ruħha bħala infezzjoni fid-demm jew fil-pulmun.  Dak li laqqtu l-pazjenti Ċiniżi immanifestat ruħha fil-pulmun u li kieku ma ttieħdetx azzjoni f’waqtha, il-pazjenti kienu jispiċċaw bi ħsarat irriversibbli fil-ġisem li jwasslu għall-mewt.
Fil-Medju Evu, din il-marda qatlet madwar 50 miljun persuna fl-Ewropa biss, u llum il-ġurnata, tista’ tiġi kkontrollata bis-saħħa tal-antibijotiċi.
L-esperti jinsabu mħassba l-għaliex din il-marda, li kien maħsub li għebet għalkollox, reġgħet tfaċċat riċentement.
Biex wieħed jipprevjeni dan it-tip ta’ mard perikoluż, għandu jelimina l-infestazzjonijiet tal-ġrieden u jagħmel il-qtar lill-annimali domestiċi biex jipproteġihom kontra l-baqq u l-qamel li jġorr dan il-mard. L-esperti jwissu biex ma nħallux l-annimali domestiċi tagħna jħufu barra u wisq anqas m’għandna nraqqduhom magħna.
U fl-aħħar mill-aħħar, m’għandna qatt nersqu lejn annimal marid jew mejjet.
Aħbarijiet Oħra
Barranin

Is-sindku ta’ Seoul, Park Won-soon instab bla ħajja fuq il-muntanja Bukak fl-inħawi ta’ Seongbuk-gu, ftit ‘il bogħod mir-residenza tiegħu. Il-pulizija ma żvelawx biex miet iżda mhumiex qed jeskludu li dan…

Barranin

Se jiġi restawrat il-kampnar tal-Katidral tan-Notre Dame f’Pariġi, li kien inqered f’nirien li ħakmu l-binja f’April tas-sena l-oħra. Huwa se jkun restawrat skont id-disinn oriġinali Gotiku tiegħu. Din id-deċiżjoni tħabbret…

Barranin

Fl-Istati Uniti , il-Qorti Suprema ddeċidiet li l-assi finanzjarji tal-President Donald Trump jistgħu jkunu eżaminati iżda sostniet li f’każ ieħor l-informazzjoni ma tistax tingħata lill-Kungress. Trump ma jridx li jippubblika…

Barranin

Studju riċenti li sar fl-Italja, wieħed mill-pajjiżi madwar id-dinja li ntlaqat ħażin mill-Covid-19, sab li n-nisa tqal jistgħu jgħaddu l-virus lit-tarbija tagħhom fil-ġuf mis-sekonda. Il-Professur Claudio Fenizia, mill-Università ta’ Milan…

Aktar