Kultura
Żewġ produzzjonijiet b’ħarsa storika lejn avvenimenti li seħħew fl-imgħoddi

Żewġ produzzjonijiet f’lejla waħda li se jittellgħu mill-programm edukattiv Toi Toi fit-teatru Manoel se jagħtu ħarsa storika lejn avvenimenti li seħħew fl-imgħoddi. Niskopru liema huma f’dan is-servizz.

“A Step Forward” hija t-tema ta’ produzzjoni teatrali li tgħaqqad żewġ produzzjonijiet flimkien b’temi li jindagaw u jesploraw l-aġir uman.

Id-direttur żagħżugħ Neil Grima qal li ż-żewġ produzzjonijiet, “A Step to the Left” u “Forward to the Right” jitrattaw suġġetti topiċi fosthom kif inhuma trattati dawk li qegħdin jissieltu għal dak li hu ġust f’dinja li hi mgħaġġla u mimlija sfidi.

L-attur Clayton Mallia qal li minkejja li huma msejsa fuq ġrajjiet tal-passat, l-avvenimenti għadhom rilevanti minħabba li jagħtu ħarsa lejn ġrajjiet storiċi li għamlu differenza għall-umanità.

“A Step to the Left” hija ispirata mill-protesta ta’ Greenham women’s protest li saret fin-1980s filwaqt li “Forward to the Right” hija ispirata mill istorja ta Joan of Arc…

It-tieni produzzjoni, Forward to the Right, A Play of Joan of Arc, tiffoka fuq il-ħajja tal-qaddisa u l-impatt li ħalliet fuq dawk ta’ madwarha fosthom fuq gwardjan tas-sigurtà fil-ħabs li fl-aħħar mumenti ta’ ħajjitha, jissimpatizza mal-kawża tagħha u jippermetti li tingħata l-barka. Huwa jispiċċa arrestat minħabba s-simpatija li wera magħha biex tipprattika l-valuri li temmen fihom. Id-dramm huwa tal-awtur Kanadiż. A Green u kien iddebbutta fil-festival prestiġjuż ta’ att wieħed, f’Ontario l-Kanada.

”Id-drammi għandhom żewġ karattri ewlenin kull wieħed però aħna qed nesploraw li anki nużaw atturi oħra għall-physical theatre biex in- nies jistgħu jaqbdu affarijiet li mit-test, u anki għal xi affarijiet li nixtiequ nwasslu lin-nies, se nagħmlu hekk bis-saħħa tal-physical theatre.”

Il-kast taż-żewġ produzzjonijiet huwa magħmul min atturi żgħażagħ li qegħdin jippromettu fit-talenti tagħhom. Il-produzzjonjiet se jsiru fl-istudio theatre tat-Teatru Manoel fl-aħħar jumejn ta’ Awwissu.

Aħbarijiet Oħra
Kultura

Aktar tard din is-sena partijiet minn Malta mistennija jerġgħu jintużaw għall-film blockbuster. Il-film ġdid ‘Jurassic World 3′ mistenni jinħareġ fis-swali taċ-ċinema f’Ġunju tas-sena d-dieħla. L-aħħar film minn din is-serje kellu…

NGOs

Fil-Palazz Presidenzjali ta’ San Anton ġew premjati l-għaqdiet li matul is-sena l-oħra ħarġu b’ideat u proġetti kreattiv ma’ persuni vulnerabbli. Il-Premju tal-President ghall-Kreattività, li jsir b’kollaborazzjoni mal-Kunsill Malti għall-Arti, din…

Politika

Il-Ministru Owen Bonnici qal li bħala Ministru tal-Edukazzjoni se jaħdem, fost affarijiet oħra, biex jiġu indirizzati nuqqasijiet fis-sistema biex ħadd ma jaqa’ lura, u biex iżjed nies ikomplu jistudjaw, anke…

Politika

Waqt żjara fil-ħwienet fil-Belt Valletta, il-Prim Ministru Robert Abela intlaqa’ mill-pubbliku, is-sidien, u l-ħaddiema tal-istabillimenti fi Triq ir-Repubblika. Dr Abela qal li l-Gvern qiegħed u ser ikompli jwettaq il-wegħda tiegħu…

Aktar