Kronaka
Ġuvni fil-periklu tal-mewt u ieħor midrub gravi wara li ttajru f’B’Kara

Żewġt irġiel indarbu meta ttajru minn vettura f’B’Kara.

L-inċident seħħ għall-ħabta tas-1.30am, bil-Pulizija ġiet infurmata li kien hemm bżonn l-assistenza tagħha fi Triq Dun Karm, Birkirkara.

Il-Pulizija tad-Distrett marru fuq il-post, fejn irriżulta li żewġt irġiel; wieħed ta’ 20 sena residenti l-Fgura u ieħor ta’ 28 sena residenti San Ġwann, għal xi raġuni ntlaqtu minn vettura tat-tip Peugeot 2008 li kienet qed tinstaq minn raġel ta’ 28 sena mill-Mqabba.

Fuq il-post issejħet ambulanza li ħadet liż-żewġt irġiel l-Isptar Mater Dei għall-kura. Aktar tard, il-ġuvni ta’ 20 sena ġie ċċertifikat li qed isofri minn ġrieħi serji filwaqt li l- ġuvni ta’ 28 sena ġie ċċertifikat li qiegħed isofri minn ġrieħi ta’ natura gravi.

Bil-każ ġie nfurmat il-Maġistrat tal-Għassa Ian Farruġia li ħatar diversi esperti sabiex jassistuh fl-inkjesta li ġiet appuntata.

L-investigazzjonijiet tal-Pulizija dwar dan l-inċident għadhom għaddejjin.

Aħbarijiet Oħra
Internet

Riklami foloz fuq Facebook bi stejjer dwar kif personalitajiet Maltin saru miljunarji wara li investew flushom, huma qarrieqa. Il-Kampanja Nazzjonali għall-Għarfien u Edukazzjoni dwar is-Sigurtá Diġitali, wissiet lill-pubbliku biex joqgħod…

Saħħa

Bl-influwenza tilħaq l-aqwa tagħha f’dawn il-jiem, l-Isptar Mater Dei sa dalgħodu anke kellu numru ta’ pazjenti fil-kuridur minħabba li s-sodod kollha jinsabu mimlija. Madankollu l-awtoritajiet tas-saħħa ċaħdu li l-virus tal-influwenza…

Safar

Waħda mid-destinazzjonijiet li qed issir ferm popolari magħna l-Maltin, hija bla dubju l-Marokk. Pajjiż li joffri attrazzjonijiet varji u interessanti. L-oriġini ta’ dan l-isem ġej minn Marrakesh, belt fin-nofsinhar ta’ dan il-pajjiż…

Kronaka

Kompliet illum il-kumpilazzjoni tax-xhieda fil-konfront ta’ Jelle Rijpma li qed jiġi akkużat bil-qtil tal-ex maħbuba u kollega tiegħu Shannok Mak, li nstabet b’għonqha mħanxar f’Santa Venera. Mill-kumpilazzjoni, ħareġ li l-ġuvni…

Aktar