Lifestyle
Żgħażagħ jitħarrġu għall-isfida biex jitilgħu l-muntanja Kilimanjaro

Għaddej ġmielu t-taħriġ biex grupp ta’ żgħażagħ jitilgħu fuq il-muntanja Kilimanjaro ħalli jinġabru flus għal tfal b’diżabilità fl-Etijopja. Il-Kilimanjaro Challenge li bdiet 14-il sena ilu, diġà għenet disa’ proġetti filantropiċi fl-Afrika.

Grupp ta’ żagħżagħ magħmul minn 17-il persuna ser jisfida l-elementi u l-ostakli biex jitilgħu l-muntanja Kilimanjaro li tinsab fit-Tanżanija. Din l-isfida għandha għan filantropiku għax matulha jinġabru flus għal proġett ta’ karità fl-Etijopja.

Il-Kilimanjaro Challenge issa daħal fil-15-il edizzjoni u bih qed ikun sostnut il-proġett ta’ aktar min miljun ewro b’risq tfal b’diżabilità li kien imbeda minn Dun Ġorġ Grima.

Il-mira hija li jinġabru €90,000 bil-parteċipanti nfushom iridu jiġbru €1,500 kull wieħed u anke jħallsu tal-ispejjeż tal-vjaġġ biex il-flus kollha miġbura jmorru għall-proġett.

It-taħriħ għal din l-isfida li ser tieħu lilll-parteċipanti fuq muntanja ta’ kwazi 6,000 metru beda x-xhur ilu.

Kieth Marshall qal li l-Kilimanjaro Challenge diġà ffinanzja 9 proġetti. Spjega li din is-sena l-flus ser jingħataw b’risq tfal b’diżabilita li f’Etijopja jiġu abbandunati mill-ġenituri tagħhom għax jitqiesu disunur.

Il-grupp li ser jitla’ l-muntanja Kilimanjoro ser jitlaq minn Malta fl-lejliet il-Milied u miegħu ser jingħaqdu partiċipanti minn sitt pajjiżi fosthom Franza, il-Brażil u l-Latvja.

Aħbarijiet Oħra
Temp

Qed ikun imbassar li se tagħmel maltempata bir-ragħad fuq il-gżejjer Maltin iktar tard illum, bl-iktar ħin probabbli li se tgħaddi minn fuq Malta u Għawdex huwa bejn is-2pm u nofsillejl….

Ġurnali

In-Nazzjon Fl-ewwel paġna ta’ In-Nazzjon insibu ritratt tal-Kap tal-Partit Nazzjonalista Adrian Delia mal-Kap tal-Partit Popolari Ewropew Manfred Webber fi Brussel fejn Dr Delia attenda għas-summit tal-PPE. Fl-ewwel paġna wkoll insibu…

Unjoni Ewropea

Il-Prim Ministru Joseph Muscat fil-jiem li ġejjin, fi Brussell, se jkun qiegħed jiddiskuti flimkien mal-mexxejja tal-Istati Membri l-futur tal-Ewropa fid-dawl ta’ Brexit u l-fenomenu tal-immigrazzjoni u l-isfidi li jġib miegħu….

Infrastruttura

Tnediet skema ġdida bħala parti mill-proġett għar-riġenerazzjoni tan-naħa t’isfel tal-Belt Valletta. Din l-iskema li hija ffinanzjata 80% minn Fondi Ewropej u 20% mill-Awtorità tal-Ippjanar tammonta għal €2 miljun. Immexxija mill-Awtorità tal-Ippjanar, l-iskema tagħmel parti…

Aktar