Lokali
Żgħażagħ li sajru madwar id-dinja jiggradwaw bħala Master Chefs f’Malta

L-Università qed toffri kors li jwassal għal Diploma fil-Master Chef. tvm.com.mt iltaqa’ ma’ Bernard, Robert u Janice li kellhom ħolma li jiżviluppaw it-talenti tagħhom fit-tisjir u l-abbiltajiet tagħhom fl-arti tal-kċina sal-ogħla livell possibbli. Dan il-kors għenhom jilħqu l-għan tagħhom.

Il-ħolm ta’ dawn it-tliet koki żgħażagħ sar realtà bl-esperjenzi li kisbu fi kċejjen lokali u internazzjonali fejn ħadmu ma’ chefs rinomati. Dan ix-xahar laħqu pass ieħor fit-taħriġ meta kisbu kwalifiki formali mill-Università ta’ Malta fejn iggradwaw bħala Master Chefs.

Robert stqarr li xtaq isir chef minn ċkunitu iżda ma kienx hemm min jiggwidah kif seta’ jkompli javvanza bl-istudji tiegħu. Qal li ddeċieda li jkompli jinsisti meta ried imur jaħdem fuq cruiseliner u ma kellux kwalifiċi formali. Minn hemmhekk beda jistudja u baqa’ javvanza fit-tagħlim formali u ħadem mal-aqwa chefs maltin u barranin. Jistqarr li bħala chef kwalifikat illum jħobb isajjar minn kollox u jagħmel li jista’ biex jissodisfa lill-klijenti tiegħu.

Robert Saccasan qal li “banana Omlette, l-aktar ħaġa stramba li rajt fil-fatt bdejt naħseb li l-guest beda jiġbidli saqqajja jew kienet xi ċajta minn sħabi, imma fil-fatt kienet vera”.

Janice għandha 35 sena imma l-passjoni li għandha għall-ikel ħaditha għal korsijiet speċjalizzati fit-tisjir barra minn Malta. Illum taħdem f’lukanda ewlenija. Tistqarr li l-imħabba li għandha għall-ikel ressqitha wkoll lejn il-fotografija tal-ikel.

Janice Germani qalet li “ix-xewqa li għandi issa hi li tixtieq li nagħmel ktieb li nkun kemm ic-chef u anki il-fotografu u dak huwa l-istep li jmiss li nixtieq nagħmel fil-karriera tiegħi”.

Anki Bernard li jgħallem fl-istitut għall-istudji turistiċi jemmen li l-istudju huwa essenzjali biex wieħed isir chef, għalkemm m’huwiex kollox. Jgħid li mingħajr kreattività, dedikazzjoni u paċenzja hu kważi impossibli li tagħmel dan ix-xogħol.

Bernard Micallef qalet li “tqum f’ħinijiet fejn kulħadd ikun qed jiffesteġġja u int tkun xogħol, is-sajf tkun aktar xogħol milli mal-familja, paċenzja għax trid ikollok paċenzja man-nies, in-nies huma demanding ħafna dejjem iridu u l-kreattività wkoll, trid dejjem taġġorna ruħek”.

Il-kors tad-diploma fil-masterchef qed ikun offrut mill-Università ta’ Malta u jikkumplimenta korsijiet li jsiru fl-istitut għall-istudji turistiċi.

Aħbarijiet Oħra
Immigrazzjoni

164 pajjiż fosthom Malta iffirmaw dak li qed jissejjaħ Patt Globali dwar l-Immigrazzjoni Ordnata u Regolari. Waqt ċerimonja f’Marrakech fil-Marokk, intqal li dan il-patt se jwassal għall-immaniġġjar aħjar tal-migrazzjoni f’tentattiv…

Lokali

L-iskart organiku li beda jinġabar fl-aħħar xahar u nofs diġà qed jiġġenera l-enerġija daqskemm tintuża minn aktar minn 6,000 familja. Il-Kap Eżekuttiv tal-Wasteserv David Borg qal lil TVM li l-iskema…

Lokali

L-Awditur Ġenerali innota li t-tisħiħ fil-liġi tal-volontarjat li saru din is-sena għandhom isaħħu jdejn il-Kummissarju tal-Volontarjat fil-funzjoni regolatorja u l-governanza fis-settur tal-volontarjat. F’rapport li ppreżenta lill-Parlament, l-Awditur Generali Charles Deguara…

Lokali

Għalkemm qed ngħixu f’dinja li saret raħal u miżgħud b’mezzi teknoloġiċi, qed tikber il-pjaga tas-solitudni u magħha l-esklużjoni soċjali. Il-problema tinħass fil-faxex kollha tas-soċjetà, mit-tfal sal-anzjani u taf tiggrava fiż-żminijiet…

Aktar