Lokali
Żgħażagħ Mediterranji jiddiskutu f’Malta dwar temi soċjali u ambjentali

Żgħażagħ mill-pajjiżi Mediterranji fl-aħħar jiem kienu Malta biex iħejju għall-ewwel kampjonat ta’ dibattitu dwar temi soċjali u ambjentali. Iż-żgħażagħ ser jaqsmu flimkien id-diffikultajiet li qed jiffaċċja pajjiżhom bil-possibiltà li jinstabu soluzzjonijiet komuni.

Madwar 20 żagħżugħ u żagħżugħa mill-pajjiżi tal-Mediterran inġabru biex flimkien iħejju għall-kampjonat ta’ dibattitu li ser isir f’Lulju li ġej. Iż-żgħażagħ ser jisfidaw id-differenzi kulturali li ħafna drabi huma l-ostaklu biex il-bnedmin jifhmu lil xulxin u jgħixu fil-paċi.

Il-kampjonat tad-dibattitu ser jitratta temi ambjentali fosthom l-użu tal-plastik u l-ħsara li qed jagħmel fir-reġjun mediterranju filwaqt li jipprova jsib is-soluzzjonijiet. Ser jitratta wkoll temi bhal l-inklużjoni, l-edukazzjoni u l-mobiltà.

Il-kampjonat ta’ dibattitu huwa inizjattiva ta’ Anna Lindh Foundation bil-kollaborazzjoni tal-Akkademja għad-Diplomazija fl-Università ta’ Malta flimkien mal-Aġenzija żgħażagħ .

Il-kampjonat sab l-appoġġ tal-Ministeru tal-Edukazzjoni bil-Ministru Evarist Bartolo jgħid li l-Gvern qed jiftaħ bibien għal dawn iż-żgħażagħ biex ikomplu jsaħħu lis-soċjetà fl-oqsma edukattivi u soċjali. Huwa tkellem dwar l-opportunitajiet li toffri Malta fosthom ambjent ideali għall-istudji soċjali u l-promozzjoni ta’ għixien flimkien. Is-Segretarju Parlamentari Clifton Grima tkellem dwar kemm l-isport jista’ jkun il-pont ewlieni li bih il-popli jersqu lejn xulxin.

Aħbarijiet Oħra
Lokali

Għandha 19-il sena u ma’ TVM irrakkuntat it-trawma kbira li għaddiet minnha minħabba dak li sejħet estremiżmu fit-twemmin ta’ komunità Nisranija. Amy Attard tirrakkonta kif minħabba hekk qed jitkissru għadd…

Riċerka

Il-lenti tal-kamera provdiet għodda lill-fotografi matul is-snin, biex bir-ritratti tagħhom iħallu xhieda tal-passaġġ tal-istorja. Il-fotografu professjonali Kevin Casha ġabar riċerka fuq kważi mitejn sena ta’ fotografija f’pubblikazzjoni li fiha ritratti…

Ippjanar u bini

Proġett li jekk ikun approvat mistenni jbiddel il-kunċett tat-trasport u l-presenza tal-vetturi fit-toroq. Studju dwar il-possibbiltà ta’ proġett ta’ Metro jew Monorail mistenni jkun ippublikat dalwaqt bil-Prim Ministru Robert Abela…

Politika

Id-19-il deputat tal-Grupp Parlamentari tal-Partit Nazzjonalista qalu li f’kull deċiżjoni li qed jieħdu qed jiżguraw li jpoġġu l-interessi tat-tesserati, tal-Partit kif ukoll tal-pajjiż fuq quddiem. Tkompli l-istennija għal direzzjoni mill-President…

Aktar