Futbol lokali
Tim nazzjonali Malti: Saintfiet isejjaħ skwadra proviżorja ta’ 25 plejer

Uċuħ ġodda, oħrajn ġodda, u anke uċuħ neqsin fl-iskwadra nazzjonali Maltija li se tiffaċċja lil-Lussemburgu u lill-Finlandja f’żewġ partiti ta’ ħbiberija fi spazju ta’ erbat ijiem: waħda hawn Malta, waħda barra.

Il-coach tat-team nazzjonali Malti Tom Saintfiet sejjaħ skwadra proviżorja ta’ 25 player li trid titnaqqas għal 23 qabel l-ewwel partita kontra l-Lussemburgu f’Ta’ Qali nhar il-Ġimgħa 22 ta’ dan ix-xahar: tliet goalkeepers, għaxar difensuri, seba’ players ta’ nofs il-ground, u ħames attakkanti. Sitta minnhom huma bażati barra: mal-istabbiliti Myles Beerman, Sam Magri li huwa dubjuż għax imweġġa’, Luke Gambin, Jean Paul Farrugia, u Andrè Schembri, jiżdied l-isem ġdid ta’ Mitchell Mallia: midfielder ta’ 26 sena b’passaport Malti li jilgħab ma’ Blacktown City fin-National Premier League ta’ New South Wales fl-Awstralja. Mallia b’danakollu għad jonqsu l-clearance tal-FIFA biex jilgħab għal Malta billi diġà lagħab għall-Awstralja fil-livell ta’ taħt is-17 u t-23 sena.

Fl-iskwadra anke Jean Borg qabel isieħeb lit-team nazzjonali ta’ taħt il-21 sena għall-partita ta’ kwalifikazzjoni għall-Kampjonati Ewropew kontra t-Turkija. Jispikka min-naħa l-oħra n-nuqqas tal-veteran Clayton Failla li skont Saintfiet huwa biex jipprova players ġodda fuq ix-xellug. Il-partiti kontra l-Lussemburgu u kontra l-Finlandja erbat ijiem wara fit-Turkija se jkunu t-tieni test ta’ Saintfiet kemm ilu li ħa t-tmexxija tat-team Malti f’idejh wara d-debutt b’telfa ta’ 3-0 mal-Estonja: u se jservuh biex jevalwa l-iskwadra tiegħu kontra timijiet tal-kalibru li Malta se tilgħab kontrihom fil-kompetizzjoni ġdida tal-UEFA Nations League aktar tard dis-sena.

Kemm il-Lussemburgu u l-Finlandja għandhom pożizzjoni ogħla sew minn Malta fir-rankings tal-FIFA. Il-Lussemburgu b’mod għamlu progress impressjonanti: għalkemm fl-aħħar konfront bejn iż-żewġ timijiet nazzjonali fil-Lussemburgu fl-2012: inċidentalment l-ewwel partita tal-coach ta’ qabel Pietro Ghedin fit-tieni ċiklu tiegħu fil-gwida tat-team: kienet Malta li ħarġet rebbieħa 2-0.

Malta – Lussemburgu: nhar il-Ġimgħa 22 tax-xahar fis-6 ta’ filgħaxija fl-Istadium Nazzjonali Ta’ Qali: dħul €5 fl-enclosure, u b’xejn għat-tfal u għal min għandu s-season tickets tal-clubs.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm Kontrattakk.
Aħbarijiet Oħra
Futbol lokali

Kif żvela TVM Sport ftit tal-ġimgħat ilu, issa hi konfermata li l-klabb Taljan ta’ Fiorentina se jkun qed jaħmel ‘traning camp’ f’pajjiżna bejn il-5 u l-10 ta’ Jannar li ġej….

Futbol lokali

Wara r-rebħa tal-bieraħ filgħaxija kontra Valletta FC bi skor ta’ 1-0, Hamrun Spartans FC temmew l-ewwel rawnd fir-raba’ post tal-klassifika tal-Kampjonat BOV Premier b’25 punt, flimkien ma’ Sliema Wanderers FC….

Futbol lokali

KAMPJONAT BOV PREMIER 2018/19 Valletta………..0 Ħamrun S……1 Fid-19 –il minuta ħarba mal-linja ta’ Wilfred Domoraud li pprova jqassam fin-nofs pero’ imblokka fil-pront Bonello. Fit-23 minuta free-kick li ngħata minn Miguel…

Futbol lokali

KAMPJONAT BOV PREMIER 2018/19 Balzan…………….2 Hibernians….….2 Fit 13 –il minuta il-kross ta’ Jurgen Degabriele u xutt b’saħħtu ta’ Tiago Fonseca ġie salvat b’diffikulta minn Steven Sultana. Fit-22 minuta xutt fil-baxx…

Aktar