International Sports
It-tieni tellieqa tal-Ultra SkyMarathon, did-darba f’Madeira

F’Madeira, il-Portugall, saret it-tieni tellieqa tal-Ultra SkyMarathon, bl-Iskoċċiż Jonathan Albon u l-Olandiża Ragna Debats joħorġu rebbieħa fil-kategoriji tagħhom.

L-atleti, li kienu qegħdin itellqu ġol-isħab u kultant anke fuqu, kellhom distanza ta’ 56 kilometru, fejn 4,100 metru minnhom kienu sabiex jaslu fl-ogħla quċċata tal-gżira, 1,861 metru mil-livell tal-baħar.

Fil-kategorija tal-irġiel, it-taqtiegħa kienet bejn l-Iżvediż Andre Jonsson, ir-Russu Dmitry Mityaev u l-Iskoċċiż Jonathan Albon, b’dan tal-aħħar ikun fuq quddiem għal ħafna ħin mit-tellieqa. Albon spiċċa t-tellieqa wara ħames sigħat, 47 minuta u 57 sekonda, seba’ minuti quddiem Jonsson li spiċċa fit-tieni post, u disa’ minuti qabel Mityaev li daħal it-tielet.

Fil-kategorija tan-nisa, l-Iżvediza Emile Forsberg damet għal aktar minn nofs it-tellieqa fuq quddiem, sakemm inqabżet mill-Olandiża Debats li rnexxielha ttemm it-tellieqa wara sitt sigħat, 45 minuta u 9 sekondi. Forsberg daħlet fit-tieni post filwaqt li l-Ispanjola Nuria Picas daħlet it-tielet.

It-tellieqa li jmiss mill-Ultra SkyMarathon se ssir fil-Lombardija, l-Italja, fis-16 ta’ Ġunju.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Ibburdjar

Ir-rebħa tas-super-maxi jott Wild Oats XI reġgħet qiegħda f’nofs kontroversja, wara li issa, l-iskipper Mark Bradford u s-sid Peter Harburg tal-jott Black Jack qegħdin jipprotestaw li l-jott Wild Oats XI…

Ibburdjar

Is-super-maxi jott Awstraljan Wild Oats XI rebaħ id-disa’ unur tiegħu fit-tellieqa Sydney – Hobart kmieni l-Ġimgħa filgħodu. Din kienet waħda mill-aktar tlielaq missielta li seħħew fl-aħħar snin, bil-jott Awstraljan jaqbeż…

Ibburdjar

Is-super-maxi jott minn Hong Kong, Scallywag, spiċċa kellu jirtira mit-tellieqa Sydney – Hobart meta kien jinsab fir-raba’ post. Il-jott li huwa ta’ Seng Huang Lee irnexxielu jaqbeż Sydney Heads meta…

Ibburdjar

Is-super-maxi Awstraljan, Black Jack, jinsab fuq quddiem fit-tellieqa Sydney – Hobart. F’din l-74 edizzjoni ta’ waħda mill-aktar tlielaq prestiġġjużi fid-dinja tal-ibburdjar, Black Jack kien l-ewwel wieħed li dar ma’ Sydney…

Aktar