Ibburdjar
Is-super-maxi Black Jack jinsab fuq quddiem fit-tellieqa Sydney – Hobart

Is-super-maxi Awstraljan, Black Jack, jinsab fuq quddiem fit-tellieqa Sydney – Hobart. F’din l-74 edizzjoni ta’ waħda mill-aktar tlielaq prestiġġjużi fid-dinja tal-ibburdjar, Black Jack kien l-ewwel wieħed li dar ma’ Sydney Heads fil-ġurnata tal-Erbgħa.

Il-jott Wild Oats XI kien fuq quddiem fil-bidu tat-tellieqa, imma mal-ħin Black Jack mhux biss naqqas id-distakk imma anke rnexxielu jaqbżu.

F’din l-74 edizzjoni, għall-ewwel darba fl-istorja ta’ din it-tellieqa, il-jott Wild Oats X għandu crew kollu kemm hu femminili, bl-iskipper Stacey Jackson.

L-organizzaturi jidhru li huma kuntenti bil-proċess tat-tellieqa u skont it-tbassir tat-temp jidher li mhux ser ikun hemm periklu għall-baħħara li qegħdin jieħdu sehem, meta għada, il-Ħamis 27 ta’ Diċembru, ser ikun ikkommemorat l-20 anniversarju minn meta ħames jottijiet spiċċaw mgħarrqa u sitt baħħara tilfu ħajjithom waqt maltempata qawwija li qamet waqt it-tellieqa. Dan l-episodju kien seħħ fl-1998, fejn f’operazzjoni qawwija ta’ salvataġġ kienu ġew salvati 55 baħħar ieħor mill-għarqa.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra

Grupp ta’ baħħara mill-Malta Young Sailors Club dan l-aħħar iffokaw l-attenzjoni tagħhom fuq il-windsurfing, sport li kien laħaq il-popolarità tiegħu fis-snin tmenin u disgħin. Din l-attività wasslet għall-iżvilupp ta’ festival…

Żewġ timijiet li ser ikunu qed jisfidaw lil xulxin fl-America’s Cup kmieni s-sena d-dieħla ngħataw il-permess li jidħlu fi New Zealand biex jibdew il-preparamenti tagħhom. It-timijiet ta’ American Magic u…

Il-Mapfre Middlesea Euromed Regatta, ospitata mill-Malta Young Sailors Club taħt l-aswpiċji tal-Malta Sailing Federation ġiet fi tmiema l-Ħadd wara nofshinar meta saru l-aħħar tlielaq tal-Kampjonat ġewwa il-bajja tal-Mellieħa.  L-Uffiċjal tat-Tellieqa…

Aktar