Futbol internazzjonali
62 sena mill-inċident traġiku li ħalla 8 plejers ta’ Manchester UTD mejta

Illum jitfakkar it-62 anniversarju mid-diżastru ta’ Munich li kien ħalla tmien plejers ta’ Manchester United mejta fost persuni oħra. Kien is-6 ta’ Frar 1958, meta t-tim ta’ Manchester United kien qiegħed jirritorna minn Belgrad wara li fil-kwartifinali kienu għelbu lil Red Star Belgrade u għamluha għas-semifinali tal-kompetizzjoni. Sa dak iż-żmien, l-ebda tim Ingliż kien għadu qatt ma’ rebaħ trofew Ewropew, u dan it-tim tar-Red Devils kien qed jissemma’ bħala l-ewwel tim li seta’ jirbaħ unur f’dan il-livell.

L-ajruplan kien fi triqtu lura lejn l-Ingilterra, meta niżel Munich sabiex jieħu l-fuel meħtieġ għall-kumplament tal-vjaġġ. Sfortunatament, l-ajruplan beda jsib diffikultà biex itir, tant li fit-tielet attentat biex jinqata’ mill-art, ikkraxxja u ħalla 23 persuna mejta. Fost il-mejta kien hemm tmien plejers mit-tim li kien għadu kif elimina lil Red Star Belgrade, b’21 persuna oħra jirnexxilhom isalvaw f’din it-traġedja.

Il-manager Matt Busby kien irnexxilu jsalva għalkemm kellu jagħmel diversi ġimgħat rikoverat l-isptar, f’inċident li mhux biss kien ħasad il-belt ta’ Manchester imma lid-dinja sportiva inġenerali.

Il-plejers li kienu tilfu ħajjithom f’din it-traġedja kienu:

Duncan Edwards ta’ 21 sena

Tommy Taylor ta’ 26 sena

Roger Byrne ta’ 28 sena

Billy Whelan ta’ 22 sena

Eddie Colman ta’ 21 sena

Mark Jones ta’ 21 sena

David Pegg ta’ 22 sena

Geoff Bent ta’ 25 sena

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Manchester City ġew sospizi sentejn milli jikkompetu fil-kompetizzjonijiet Ewropej, UEFA Champions League u UEFA Europa League, għal ksur serju fir-regoli tal-financial fair play. Apparti din is-sospensjoni li tista tiġi appellata,…

Futbol internazzjonali

Tard ilbieraħ filgħaxija, il-President ta’ Juventus Andrea Agnelli u d-Direttur Ġenerali Fabio Paratici, sejħu lill-kowċ Maurizio Sarri biex miegħu jiddiskutu l-futur ta’ Juventus għal kumplament tal-istaġun. Jidher li din il-laqgħa…

Futbol internazzjonali

Juergen Klinsmann irriżenja minn kowċ ta’ Hertha Berlin wara 10 ġimgħat biss minn meta nħatar. Klinsmann qal li kemm ilu fil-kariga sab nuqqas ta’ appoġġ u fiduċja. L-ex Champion tad-Dinja…

Futbol internazzjonali

It-tliet darbiet rebbieħ tat-Tazza tad-Dinja, Edson Arantes Do Nascimento Pele, ma jridx joħroġ mid-dar minħabba li ma jistax jimxi sew u mingħajr l-għajnuna ta’ ħaddieħor. Din l-aħbar żvelaha ibnu stess,…

Aktar