Futbol internazzjonali
Aaron Ramsey ser jingħaqad ma’ Juventus fis-sajf li ġej b’kuntratt ta’ ħames snin

Juventus ser jiffirmaw lill-plejer ta’ nofs il-grawnd Aaron Ramsey mingħand it-tim ta’ Arsenal fis-sajf li ġej. Ramsey m’aċċettax il-kuntratt il-ġdid li offrewlu Arsenal, u Juventus kienu minn tal-ewwel li wrew l-interess tagħhom fil-midfielder minn Wales. Juventus kellhom il-kompetizzjoni mingħand Real Madrid, Bayern Munich u PSG fost l-oħrajn, imma jidher li fl-aħħar ġimgħat il-prospett li jilgħab mat-tim ta’ La Vecchia Signora interessah ħafn’aktar milli jilgħab ma’ timijiet oħra.

Ramsey, li għandu 28 sena, kien ingħaqad m’Arsenal mingħand Cardiff fl-2008, fejn b’kollox s’issa lagħab 252 logħba fil-Kampjonat Premier Ingliż u skorja 52 gowl. Skont il-ġurnal The Guardian, Juventus qegħdin joffru s-somma ta’ €155,000 fil-ġimgħa għal dan il-plejer, jiġifieri €8 miljuni kull staġun. Malli jseħħ dan it-trasferiment, allura Ramsey ikun it-tieni l-aktar plejer imħallas mit-tim minn Turin wara Cristiano Ronaldo.

Għal Juventus dawn kienu negozjati oħra mill-aqwa, meta rnexxilhom jakkwistaw plejer ieħor b’xejn, b’Ramsey issa jingħaqad ma’ plejers bħalma huma Ronaldo, Dybala u Mandzukic. Juventus qegħdin ikomplu jsaħħu l-iskwadra, avolja huma b’saħħithom ħafna fis-Serie A, tant li s’issa diġa’ rebħu seba’ staġuni infila u jidhru resqin lejn rebħ ta’ Scudetto ieħor, meta f’din il-fażi tal-kampjonat jinsabu 9 punti fuq l-eqreb rivali tagħhom, Napoli.

Aaron Ramsey jista’ jkun li ser jieħu post Samir Khedira li mistenni jitlaq lil Juventus fis-sajf li ġej.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Futbol internazzjonali

Kwalifikazzjoni Kampjonat Euro UEFA 2020 European Qualifiers – Grupp F Malta…………….. 2 Gżejjer Faroe……1 Malta bdiet bl-aħjar mod l-impenji tagħha fil-kampjonat Ewropew 2020 meta f’Ta’ Qali f’logħba mill-iktar eċċitanti għeleb…

Futbol internazzjonali

Illum komplew jintlagħbu aktar logħbiet mill-kwalifikazzjoni għall-Euro 2020 meta minn Grupp A f’Wembley Stadium l-Ingilterra bdew bil-kbir l-impenji tagħhom dan wara li huma għelbu lir-Repubblika Ċeka bl-iskor ta’ 5-0.  L-eroj…

Futbol internazzjonali

L-attakkant Brażiljan ta’ Paris St Germain Neymar ġie akkużat mill-UEFA talli insulenta lir-referee wara li t-tim Franċiż safa eliminat mir-round tal-aħħar sittax tal-UEFA Champions League minn Manchester United. Neymar li…

Futbol internazzjonali

Ilbieraħ filgħaxija bdew il-logħbiet tal-gruppi ta’ kwalifikazzjoni għall-EURO 2020, b’diversi riżultati li wħud minnhom kienu mistennija u oħra waslu b’sorpriża. Mistennija r-rebħiet tal-Olanda, il-Kroazja, il-Polonja u l-Belġju, filwaqt li l-Każakstan…

Aktar