Sports Internazzjonali
Alonso jirbaħ it-tellieqa Le Mans fuq karozza Toyota

Karozzi – It-tim tat-Toyota temm snin twal ta’ stennija, meta fl-aħħar rebħu t-tellieqa ta’ Le Mans, li ddum għaddejja 24 siegħa, u dan għamluh bi stil. Kien id-darbtejn ċampjin tal-Formula 1 Fernando Alonso li ħareġ rebbieħ fuq il-karozza Toyota u allura issa dan is-sewwieq Spanjol jinsab pass biss ‘il bogħod milli jirbaħ it-tlett unuri li dan l-isport iġib miegħu, fejn s’issa rebaħ il-Formula 1 u Le Mans, imma fadallu l-Indianapolis 500.

L-ewwel żewġ karozzi li daħlu kienu t-tnejn Toyota, xi ħaġa li ilha ma sseħħ sa mill-1991, meta dakinhar, kumpanija oħra, il-Mazda, irnexxilhom jagħmlu d-double f’Le Mans.

Alonso, flimkien ma’ Buemi u Nakajima, tellqu għal 24 siegħa sabiex fl-aħħar battuti kien Alonso li saq il-karozza sal-bandiera finali. Fl-aħħar minuti t-tensjoni kienet kbira ħafna fil-kamp Toyota, bis-sewwieq Nakajima jiftakar f’dak li ġralu sentejn ilu meta fl-aħħar ħames minuti l-karozza li kien qed isuq naqqset il-veloċita’ u waqfet għal kollox.

Il-karozza Rebellion R13 daħlet fit-tielet post, f’tellieqa fejn it-Toyota t’Alonso u t-tim tiegħu kienet fit-tieni post, u kien grazzi għas-sewwieq Spanjol li rnexxielu jieħu l-ewwel post minn fuq ir-rivali li kienu qegħdin isuqu l-istess karozza Toyota.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm Kontrattakk.
Aħbarijiet Oħra
Formula 1

Lewis Hamilton kellu rebħa kbira fil-Grand Prix ta’ Hockenheim fil-Ġermanja fejn taħt xita kontinwa rnexxielhu jtemm fl-ewwel f’dan iċ-ċirkwit hekk kif Sebastian Vettel fuq Ferrari waqaf wara inċident bil-karozza. B’din…

Formula 1

Sebastian Vettel fuq il-karozza Ferrari għamel l-aħjar ħin fil-provi uffiċjali tal-lum u se jkun qed jitlaq mill-Pole Position tal-Grand Prix ta’ għada f’Hockenheim fil-Ġermanja. Vettel iddomina dawn il-provi uffiċjali bil-kontra…

Formula 1

Wara li lbieraħ kien ikkonfermat li Lewis Hamilton iffirma kuntratt ġdid mal-Mercedes sal-2020, illum ħarġet l-aħbar li s-sewwieq l-ieħor Valtteri Bottas iffirma kuntratt ta’ sena oħra mal-Mercedes. Mercedes, bħalissa jinsabu…

Formula 1

Lewis Hamilton, is-sewwieq tal-Formula 1 ta’ Mercedes, iffirma kuntratt ġdid ta’ sentejn sal-2020 li bih se jkun qed idaħħal mad-€90,000,000 netti. Hamilton rebaħ 4 darbiet il-kampjonat mondjali tal-Formula 1, tlieta…

Aktar