Futbol internazzjonali
Amadou Samb allegatament vittma ta’ razziżmu fil-partita ta’ Gżira ma’ Ventspils
L-inċident irrappurtat lill-UEFA

TVMSport hu nfurmat li Gżira Utd kitbu uffiċjalment lil UEFA biex jirrappurtaw każ ta’ tagħjir razzista fil-konfront tal-player Senegaliż tagħhom Amadou Samb.

Fil-każ huwa allegatament involut il-goalkeeper ta’ Ventspils Kostyantyn Makhnovskyi, li tkeċċa fi tmiem il-logħba. Anke Samb tkeċċa wara l-logħba, minkejja li huwa kien ġie sostitwit fit-80 minuta wara li kien beda mal-ewwel ħdax ta’ Gżira. Samb u l-goalkeeper li huwa Ukren intwerew il-karta l-ħamra mir-referee meta jidher li nqalgħu battibekki bejn iż-żewġ settijiet ta’ players huma u ħerġin mill-ground.

Il-president ta’ Gżira Utd Sharlon Pace ikkonferma ma’ TVMSport li l-club ġie kkuntattjat minn Ventspils biex iħalli l-inċident għaddej: imma fil-fatt l-ittra intbagħtet u l-club diġà rċieva acknowledgement mill-UEFA.

Samb għadu kif irritorna għal logħob wara li kien ilu xhur barra mweġġa’.

Miktub minn...
Peter Cossai
Kap ta' TVM Sport. Isegwi l-Isport lokali u internazzjonali. Isegwi u jirraporta l-football lokali u internazzjonali. Jippreżenta l-programm 90 Minuta.
Aħbarijiet Oħra
Futbol internazzjonali

Inter għaddew għall-kwartifinali tal-Europa League meta f’logħba b’eliminazzjoni diretta għelbu lil Getafe 2-0. Il-logħba ntlagħbet fix-Schalke Arena f’Gelsenkirchen u kienet diċiża b’gowl f’kull taqsima. Wara bidu tajjeb ta’ Getafe kienu…

Futbol internazzjonali

L-ex goalkeeper ta’ Real Madrid u Spanja Iker Casillas ħabbar li rtira mill-futbol. Il-goalkeeper li rebaħ żewġ Kampjonati Ewropej u Tazza tad-Dinja rtira fl-età ta’ 39 sena. Casillas kien ilu…

Futbol internazzjonali

Fulham irritornaw għall-Premier League wara li rebħu lil Brentford 2-1 f’Wembley Stadium. Joe Bryan kien l-eroj għal Fulham meta skorja darbtejn fil-ħin barrani. Sad-90 minuta l-iskor kien għadu 0-0 u…

Aktar