Futbol internazzjonali
Antoine Griezmann mistenni jkun plejer ta’ Barcelona

Hemm possibiltà kbira li kmieni l-ġimgħa d-dieħla Barcelona jippreżentaw lill-akkwist il-ġdid tagħhom, Antoine Griezmann. Sal-lum il-Franċiż għadu fuq il-kotba t’Atlético Madrid wara li lejn tmiem l-istaġun li għadda huwa kien żvela li kellu fil-ħsieb jitlaq lit-tim minn Madrid sabiex jingħaqad ma’ tim ieħor.

Xahrejn wara din l-aħbar, Griezmann xorta għadu plejer t’Atlético u fil-fatt kellu jirrapporta għall-pre-season magħhom.

Is-sena li għaddiet il-Franċiż kien iffirma kuntratt ġdid m’Atlético li fih kien hemm il-klawżola tar-release għas-somma ta’ €190 miljun, biss jidher li din issa ġiet mnaqqsa għal €120 miljun u l-gazzetta L’Equipe qiegħda tirrapporta li l-Katalani ddeċidew li jidħlu għal dan il-plejer. Rapporti u xnigħat qegħdin jgħidu li Griezmann ser jiffirma kuntratt ta’ 5 snin, b’Barcelona diġa’ jidher li ftiehmu mal-plejer ta’ 28 sena, biss għadhom iridu jiffinalizzaw kollox mal-klabb.

Miktub minn...
Chris Falzon
Ġurnalist ta' TVM Sport. Isegwi l-isport lokali u internazzjonali. Isegwi u jirrapporta l-futbol lokali u internazzjonali. Huwa parti mit-tim tal-produzzjoni tal-programm 90 MINUTA
Aħbarijiet Oħra
Futbol internazzjonali

Eluf ta’ partitarji Finlandiżi ħarġu fit-toroq jiċċelebraw il-kwalifikazzjoni storika tal-Finlandja għall-Kampjonat Ewropew tas-sajf li ġej, l-EURO 2020. Il-Finlandja għelbu lil Liechteinstein bi skor ta’ 3-0 biex aċċertaw mit-tieni post ta’…

Futbol internazzjonali

F’aktar logħbiet ta’ kwalifikazzjoni għal EURO 2020, mill-grupp ta’ Malta, fil-konfront dirett għal min jiġi fit-tieni post, l-Iżvezja għelbet lir-Rumanija 2-0 barra minn darha sabiex aċċertat ruħha mill-kwalifikazzjoni. Kien Marcus…

Futbol internazzjonali

Wara l-aħbar li żvela TVM Sport ftit tal-jiem ilu tal-possibbiltà tajba li AC Milan jiġu f’Malta għal training camp wara l-Milied, issa fl-Italja ħarġet l-aħbar li anki t-tim ta’ Napoli…

Futbol internazzjonali

Il-Messiku u l-Brażil ser jikkontestaw il-finali tat-Tazza tad-Dinja ta’ taħt is-sbatax il-sena. Fl-ewwel semi finali tal-bieraħ il-Messik għaddew għas-spejjeż tal-Olanda wara l-għoti tal-penalties. Il-logħba spiċċat fi draw ta’ 1-1 fejn…

Aktar