Futbol internazzjonali
Apollon Limassol ta’ Schembri javvanzaw għat-3 round tal-UEL

Apollon Limassol ta’ Ċipru fejn jilgħab il-player internazzjonali Malti Andre’ Schembri ntant kienu wieħed mit-timijiet li għaddew għat-tielet round ta’ kwalifikazzjoni tal-UEFA Europa League wara li l-bieraħ f’darhom għelbu lil Zeljeznicar tal-Bożnja-Ħerżegovina 3-1 għal aggregate ta’ 5-2.

Schembri li ma niżżilx ismu mal-iskorers lagħab l-ewwel taqsima kollha qabel ġie sostitut. Limassol issa jmisshom lil Dinamo Brest tal-Belarus fir-round li jmiss.

Magħhom javvanzaw għat-tielet round fost l-oħrajn anke Burnley tal-Ingilterra li jilagħbu kontra Istanbul Basaksehir, Atalanta tal-Italja kontra Hapoel Haifa, u Sevilla ta’ Spanja rebbieħa ta’ tliet edizzjonijiet konsekuttivi tal-UEFA Europa League bejn l-2014 u 16, li jmisshom lil Zalgiris Vilnius.

Miktub minn...
Sandro Micallef
Ġurnalist ta' TVM Sport. Isegwi l-Isport lokali u internazzjonali. Jippreżenta l-programm Sports Panorama.
Aħbarijiet Oħra
Futbol internazzjonali

Manchester United joffru madwar €60 miljun għad-difensur ta’ Fiorentina Nikola Milenkovic. Jidher li l-maniġer ta’ Manchester United, Jose Mourinho, mar hu stess sabiex jara lil dan id-difensur ta’ 21 sena…

Futbol internazzjonali

UEFA NATIONS LEAGUE League B Grupp 2 Russja – Turkija 2-0 Mill-UEFA Nations League mill-logħbiet tal-Ħadd waranofsinhar il-konfront minn League B Grupp 2 bejn ir-Russja u t-Turkija. Din il-logħba ntlgħabet…

Aktar